====== ឆ្នាំ២០១៧ មានភាពមិនប្រក្រតីតាមព្រំដែនកើតឡើងចំនួន៣៨៨លើក ======

http://bayontv.com.kh/  06/02/2018 

ភ្នំពេញ៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិបានបើកសន្និបាតបូកសរុបសភាពការណ៍ និងកិច្ចសហប្រតិបត្តិការរក្សាសន្តិសុខ សណ្តាប់ធ្នាប់សាធារណៈសុវត្ថិភាពសង្គមប្រចាំឆ្នាំ២០១៧ និងដាក់ចេញទិសដៅឆ្នាំ២០១៨ នៅព្រឹកថ្ងៃទី០៦ ខែកុម្ភៈ ឆ្នាំ២០១៨។ នាយឧត្តមសេនីយ៍ នេត សាវឿន អះអាងថា ស្ថានភាពសន្តិសុខតាមតំបន់ព្រំដែនមានស្ថានភាពស្ងប់ស្ងាត់ល្អ ប៉ុន្តែក៏មានសកម្មភាពមិនប្រក្រតីកើតឡើងចំនួន៣៨៨លើកផងដែរ។
បើតាមរបាយការណ៍របស់អគ្គស្នងការបានបញ្ជាក់ថា បញ្ហាកើតឡើងរវាងព្រំដែនកម្ពុជា និងថៃមានចំនួន៣៦៥លើក កម្ពុជា-វៀតណាម១៥លើក និងកម្ពុជា-ឡាវ ៨លើកក្នុងនោះមានការរំលោភដែនអាកាស ការរាយលួសបន្លា ការរុករានដីធ្វើចំការ ការឈួសឆាយធ្វើផ្លូវជាដើម។ របាយការណ៍បានឱ្យដឹងផងដែរថា **ក្នុងឆ្នាំ២០១៧នេះថៃបានចាប់បញ្ជួនពលរដ្ឋខ្មែរត្រឡប់មកវិញចំនួន១៣.៣៩៦នាក់និងសាកសពចំនួន៣៦នាក់**៕ 

{{ :website_news:photo_2018-02-07_09-05-07.jpg?nolink |}}

{{tag>សារព័ត៌មាន ភ្នំពេញ}}