ចូលរួមជាមួយក្រុមការងារជំនាញអន្តរក្រសួង ស្ថាប័ន ទទួលបន្ទុកការងារកិច្ចការយុត្តិធម៌ ដើម្បីទំនាក់ទំនងសម្របសម្រួល គាំទ្រ សហការ ផ្តល់និងទទួលព័ត៌មានស្តីពីភាពចម្រើននៃការងារក្នុងប្រព័ន្ធយុត្តិធម៌ និងភាពប្រឈម ពិនិត្យ សន្និដ្ឋាន លើកជាយោបល់
សិក្សា ស្រាវជ្រាវ តាមដាន ស្ថានភាពប្រែប្រួលនៃបទល្មើស សកម្មភាព និងកលល្បិចជនល្មើសដើម្បីសិក្សាអំពីភាពខ្វះចន្លោះនៃច្បាប់ និងលើកយោបល់
ជំរុញការប្រមួលទិន្នន័យនៃការផ្តន្ទាទោសអំពើជួញដូរមនុស្ស និងអំពើធ្វើអាជីវកម្មផ្លូវភេទ
ពង្រឹងកិច្ចសហការរវាងស្ថាប័នអយ្យការ និងមន្ត្រីនគរបាលយុត្តិធម៌ក្នុងករណីអំពើជួញដូរមនុស្ស
ចែករំលែកជាមួយក្រសួង ស្ថាប័នពាក់ព័ន្ធ ព័ត៌មានពាក់ព័ន្ធភាពរីកចម្រើន និងភាពប្រឈមក្នុងការអនុវត្តកិច្ចការផ្តន្ទាទោសបទល្មើសជួញ ដូរមនុស្ស និងសំណូមពរក្នុងការចូលរួមលើកកម្ពស់ប្រព័ន្ធយុត្តិធម៌
សម្របសម្រួលឲ្យមានកិច្ចសហការជាមួយអន្តរជាតិ ក្នុងការអនុវត្តសន្ធិសញ្ញាស្តីពីការជួញគ្នាទៅវិញទៅមកផ្នែកច្បាប់ និងការធ្វើបត្យាប័ន នៅក្នុងប្រព័ន្ធយុត្តិធម៌ព្រហ្មទណ្ឌ
សហការផ្តល់យោបល់ ពាក់ព័ន្ធនឹងការរៀបចំផែនការក្នុងប្រព័ន្ធយុត្តិធម៌ព្រហ្មទណ្ឌ ស្នើឡើងនូវវិធានការ គោលការណ៍ វិធីសាស្ត្រ យុទ្ធសាស្ត្រទូលំទូលាយ ដែលត្រូវអនុវត្ត សម្រាប់ក្រសួង ស្ថាប័ន និងផ្នេកពាក់ព័ន្ធដើម្បីជំរុញការអនុវត្តច្បាប់ និងការផ្តន្ទាទោសជនល្មើសពាក់ព័ន្ធអំពើជួញដូរមនុស្ស អំពើអាជីវកម្មកេងប្រវ័ញ្ចលើមនុស្សគ្រប់រូបភាព
ចូលរួមរៀបចំ ផ្តួចផ្តើម គាំទ្រ សម្របសម្រួល បណ្តុះបណ្តាលពង្រឹងសមត្ថភាពមន្ត្រីអនុវត្តន៍ច្បាប់ក្នុងករណីពាក់ព័ន្ធអំពើជួញដូរមនុស្ស
ផ្សព្វផ្សាយផែនការ គោលនយោបាយ គោលការណ៍ណែនាំ វិធានការ និងលទ្ធផលការងារទាំងឡាយ របស់គណៈកម្មាធិការជាតិ ជូនសមាជិកនៃក្រុមការងារជំនាញអន្តរក្រសួងស្ថាប័ន
សហការកសាងផែនការសកម្មភាពអគ្គលេខាធិការដ្ឋាន រយៈពេលខ្លី មធ្យម វែង លើកទិសដៅអនុវត្តស្របតាមតំណាក់កាលនីមួយៗ និងកំណត់សូចនាករអនុវត្តសម្រាប់ការងារកិច្ចការយុតិធម៌
ចូលរួមប្រជុំទៀងទាត់ជាមួយក្រុមមន្ត្រីជំនួយការផ្សេងទៀត ដើម្បីផ្លាស់ប្តូរយោបល់ និងចែករំលែកព័ត៌មាន និងសហការដោះស្រាយភាពប្រឈមក្នុងការងារប្រយុទ្ធប្រឆាំងការជួញដូរមនុស្ស
តាមដាន បូកសរុប របាយការណ៍ ស្តីពីលទ្ធផលការងារបង្ការទប់ស្កាត់របស់ក្រុមការងារបង្ការទប់ស្កាត់ សន្និដ្ឋាន វាយតម្លៃអំពីប្រសិទ្ធភាពដាក់ជូនអគ្គលេខាធិការដ្ឋាន
លើកផែនការការងារ និងថវិកាប្រចាំខែ ត្រីមាស ឆមាស និងឆ្នាំ ដាក់ជូនលេខាធិការដ្ឋានរដ្ឋបាលសរុប
ចូលរួមប្រជុំទៀងទាត់ និងរាយការណ៍ការងារជាមួយអគ្គលេខាធិការដ្ឋាន និងបំពេញការងារផ្សេងទៀត តាមការប្រគល់ជូនរបស់អគ្គលេខាធិការដ្ឋាន។