(http://dap-news.com/kh) សៅរ៍, ១៤ មករា ២០១៧ 10:19 ដោយ: នាងសួគ៌ ID:049
ភ្នំពេញ៖ អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន មានប្រសាសន៍ថា របាយការណ៍ប្រចាំឆ្នាំ ២០១៦ របស់ក្រសួងការបទេស ជាភាពរស់រវើក នៅក្នុងការគំាពារជនចំណាកស្រុក ។ លោក ផៃ ស៊ីផាន ថ្លែងប្រាប់មជ្ឈមណ្ឌល ព័ត៌មានដើមអម្ពិលថា មិនមែនឧបនាយករដ្ឋមន្រ្តី ហោ ណាំហុង អត់ធ្វើការទេ តែពេលកំពុងមានដំណែង លោកបានធ្វើកិច្ចព្រមព្រៀង រវាងរាជរដ្ឋាភិបាល និងរដ្ឋាភិបាលដទៃទៀត ដើម្បីធានាដល់កម្មករនៅក្រៅ ។ នៅពេលនេះ ការងារបន្តលោក ប្រគល់ឲ្យលោក ប្រាក់ សុខុន ។ លោកបន្តថា “នេះហើយជាហេតុផល ដែលយើងសិក្សា ។ មួយទៀតយើងបានសិក្សា ជាមួយអង្គការអាយ ឡូ ដើម្បីជួយពលរដ្ឋខ្មែ ឬពលករខ្មែរដែលងាយរងគ្រោះ។ ការងារនេះ ឯកឧត្តមហោណាំហុង ប្រគល់បន្តពេលនេះ ឯកឧត្តម ប្រាក់សុខុន ដឹកនាំបន្តតើ ដើម្បីបង្ហាញដល់ពិភពលោក និងបង្ហាញថា រាជរដ្ឋាភិបាល បានយកចិត្ត ទុកដាក់ លើ ពលករចំណាកស្រុក ទាំងស្របច្បាប់និងខុសច្បាប់” ៕