https://www.khmertimeskh.com/ Khmer Times August 9, 2022
រដ្ឋមន្ត្រីការបរទេសឥណ្ឌូណេស៊ីលោកស្រី Retno Marsudi បានជួបជាមួយអគ្គស្នងការនគរបាលជាតិកម្ពុជាលោក នេត សាវឿន នៅរាជធានីភ្នំពេញ នៅថ្ងៃទី២ ខែសីហា ដើម្បីពិភាក្សាអំពីកិច្ចសហប្រតិបត្តិការក្នុងការទប់ស្កាត់ការជួញដូរមនុស្ស។ នៅក្នុងសេចក្តីប្រកាសព័ត៌មានដែលចុះផ្សាយដោយក្រសួងការបរទេសឥណ្ឌូនេស៊ីនៅថ្ងៃដដែលនោះ លោកស្រី Marsudi បានសង្កត់ធ្ងន់ថា កិច្ចសហប្រតិបត្តិការរវាងឥណ្ឌូនេស៊ី និងកម្ពុជា ក្នុងការទប់ស្កាត់ការជួញដូរមនុស្សត្រូវតែបង្កើនឡើង។
ជាការឆ្លើយតបទៅនឹងសំណើរបស់លោកស្រី Marsudi លោក នេត សាវឿន បាននិយាយថា ប៉ូលីសកម្ពុជាបានសន្យាថានឹងសហការយ៉ាងពេញលេញជាមួយភ្នាក់ងារពាក់ព័ន្ធរបស់ប្រទេសឥណ្ឌូនេស៊ី។ ក្នុងជំនួបនោះ មន្ត្រីទាំងពីរក៏បានពិភាក្សាអំពីកិច្ចសហប្រតិបត្តិការក្នុងការអនុវត្តច្បាប់ និងវិធានការទប់ស្កាត់ករណីបែបនេះមិនឱ្យកើតឡើងវិញម្តងទៀត។
ពួកគេក៏បានឯកភាពថា ក្រុមបច្ចេកទេសនៃកងកម្លាំងនគរបាលនៃប្រទេសទាំងពីរនឹងបើកកិច្ចប្រជុំនាពេលឆាប់ៗនេះ ដើម្បីពិភាក្សាលើបញ្ហាជាច្រើន រួមទាំងកិច្ចសហប្រតិបត្តិការក្នុងការស៊ើបអង្កេតរួមគ្នា ជំនួយផ្នែកច្បាប់ទៅវិញទៅមក និងការចុះហត្ថលេខាលើអនុស្សរណៈយោគយល់គ្នា រវាងកម្លាំងនគរបាលប្រទេសទាំងពីរស្តីពីការដោះស្រាយ និងប្រឆាំងការជួញដូរមនុស្ស។ កិច្ចប្រជុំនេះធ្វើឡើងបន្ទាប់ពីប៉ូលីសកម្ពុជាបានដោះលែងពលករឥណ្ឌូនេស៊ីចំនួន ៥៥ នាក់ ក្នុងចំណោម ៦២ នាក់ ដែលជាជនរងគ្រោះនៃការឆបោកការងារ ហើយត្រូវបានឃុំខ្លួននៅប្រទេសកម្ពុជាកាលពីចុងខែកក្កដា៕ VNA