https://www.khmertimeskh.com/501191347//?p=1191347 Khmer Times November 25, 2022
ក្រសួងការបរទេសបាននិយាយកាលពីថ្ងៃព្រហស្បតិ៍ថា ជនជាតិឥណ្ឌាជាង ៣៧០ នាក់ ដែលជាជនរងគ្រោះដោយសារក្រុមបោកប្រាស់ការងារត្រូវបានជួយសង្គ្រោះពីប្រទេសមីយ៉ាន់ម៉ា កម្ពុជា និងឡាវ។
អ្នកនាំពាក្យក្រសួងការបរទេស Arindam Bagchi បាននិយាយថា បេសកកម្មឥណ្ឌានៅទីក្រុងយ៉ាំងហ្គោន បាងកក និងស្ថានកុងស៊ុលនៅឈៀងម៉ៃ បាននិងកំពុងបន្តយ៉ាងសកម្មនូវករណីជនជាតិឥណ្ឌាទាំងនេះដែលជាប់ក្នុងបណ្តាញការងារក្លែងក្លាយនៅក្នុងប្រទេសមីយ៉ាន់ម៉ា។ លោក Bagchi បាននិយាយថា មនុស្សប្រហែល ១០៨ នាក់ពីប្រទេសកម្ពុជាក៏ត្រូវបានជួយសង្គ្រោះផងដែរ។ លោក Bagchi បាននិយាយនៅក្នុងសន្និសីទសារព័ត៌មានមួយថា៖ «ក៏នៅមានប្រជាជនមកពីប្រទេសឥណ្ឌា និងកន្លែងផ្សេងទៀតបានជាប់គាំងក្នុងប្រទេសមីយ៉ាន់ម៉ា និងខ្លះនៅក្នុងប្រទេសឡាវ និងកម្ពុជាផងដែរ»។ យើងបានត្រៀមជួយសង្គ្រោះមនុស្សជាង ២០០ នាក់ (ពីប្រទេសមីយ៉ាន់ម៉ា) ក្នុងនោះ ១៥៣ នាក់ត្រូវបានគេធ្វើមាតុភូមិនិវត្តន៍ទៅប្រទេសឥណ្ឌា។ ហើយមនុស្សដែលនៅសល់ពីនោះ ៥០ នាក់ទៀតកំពុងស្ថិតក្នុងដំណើរការធ្វើមាតុភូមិនិវត្តន៍។ ពួកគេនៅក្នុងប្រទេសថៃ ហើយយើងកំពុងទាក់ទងជាមួយអាជ្ញាធរថៃទាក់ទងនឹងការបំពេញឯកសារផ្លូវច្បាប់ ដែលនឹងអនុញ្ញាតឱ្យពួកគេត្រូវបានគេធ្វើមាតុភូមិនិវត្តទៅប្រទេស ឥណ្ឌា»។ លោកបានបន្តថា៖ «យើងបាននិងកំពុងចេញសេចក្តីណែនាំ ដោយស្នើទាំងអាជ្ញាធរថៃ និងមីយ៉ាន់ម៉ា ឲ្យផ្តល់ព័ត៌មានសំខាន់ចំពោះករណីទាំងនេះ និងជួយសម្រួលដល់ការធ្វើមាតុភូមិនិវត្តន៍»។ ក្រសួងកំពុងទាក់ទងជាមួយរដ្ឋាភិបាលរដ្ឋ និងទីភ្នាក់ងារនៅក្នុងប្រទេសឥណ្ឌា ដើម្បីទទួលបានឈ្មោះអ្នកពាក់ព័ន្ធក្នុងបណ្តាញការងារ និងធានាឱ្យមានចំណាត់ការប្រឆាំងនឹងពួកគេ។ Outlook India