Table of Contents
យុទ្ធសាស្ត្របញ្ចកោណ ដំណាក់កាលទី ១ បញ្ចកោណទី១
ការអភិវឌ្ឈមូលធនមនុស្ស
ការអភិវឌ្ឈមូលធនមនុស្ស គឺជាលក្ខណ្ឌចាំបាច់មិនអាចខ្វះបានសម្រាប់ជំរុញពិពិធកម្ម និងកំណើនសេដ្ឋកិច្ច ប្រកបដោយបរិយាបន្ន និងភាពធន់។ មូលធនមនុស្ស មានគុណភាពខ្ពស់ និងសុខភាពល្អ គឺជាទ្រព្យសកម្មជាតិដ៏រឹងមាំ សម្រាប់បង្កើនតម្លៃសេដ្ឋកិច្ច, លើកកម្ពស់តម្លៃវប្បធម៌, និងបង្កើតគំនិតថ្មីៗ សំដៅធានាចីរភាពកំណើនរយៈពេលវែង និង ជវភាពនៃការអភិវឌ្ឈសង្គម-សេដ្ឋកិច្ច។ ការណ៍នេះបង្ហាញថាការវិនិយោគក្នុងការអភិវឌ្ឈមូលធនមនុស្ស មានសារៈសំខាន់ដើម្បីឆ្លើយតបទៅនឹងការកើនឡើងនៃតម្រូវការអភិវឌ្ឈសង្គម-សេដ្ឋកិច្ចជាតិ។ ក្នុងនៃនេះ, រាជរដ្ឋភិបាលផ្ដោតលើអាទិភាព៥: (១) ការពង្រឹងគុណភាពវិស័យអប់រំ កីឡា វិទ្យាសាស្ត្រ និងបច្ចេកវិទ្យា; (២) ការបណ្ដុះបណ្ដាលជំនាញបច្ចេកទេស; (៣) ការលើកម្ពស់សុខភាព និងសុខមាលភាពប្រជាជន; (៤) ការពង្រឹងប្រព័ន្ធគាំពារសង្គម និងប្រព័ន្ធស្បៀង; និង (៥) ការពង្រឹងភាពជាពលរដ្ឋក្នុងសង្គម ដែលមានអារ្យធម៌ខ្ពស់ប្រកបដោយ សីលធម៌, សមធម៌ និងបរិយាបន្ន។