(http://dap-news.com/kh) ថ្ងៃច័ន្ទ, 07 វិច្ឆិកា ២០១៦ 09:03 ដោយ: សយ សុធីតា ID:004

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានហៅការរិះគន់និងប្រឆាំងសម្តេចតេជោ តាមរយៈការផ្សព្វផ្សាយតាមបណ្តាញសង្គមថា “តោះ!យើងទៅ ធ្វើការនៅប្រទេសថៃ” បន្ទាប់ពីលោកស្រី អ៊ុង សានស៊ូជី នៃប្រទេសមីយ៉ាន់ម៉ា ដាក់ចេញនូវពាក្យស្លោកសម្រាប់ពលកររបស់ខ្លួននៅប្រទេសថៃ “តោះ! យើងត្រឡប់ទៅផ្ទះយើងវិញ” ថាការជាប្រមាថមួយមិនអាចទទួលបាន និងឲ្យកាប់ថ្មចំណាំ ប្រសិនបើពលករមីយ៉ាន់ម៉ា ត្រឡប់ពីថៃ នៅប្រទេសកំណើតវិញ។

ថ្លែងនៅក្នុងពិធីចែកសញ្ញាបត្រដល់និស្សិតវិទ្យាស្ថានជាតិបណ្តុះបណ្តាលបច្ចេកទេស នាព្រឹកថ្ងៃចន្ទទី៧ ខែវិច្ឆិកា ឆ្នាំ២០១៦ សម្តេចតេជោ បានបញ្ជាក់ថា “សូមឲ្យកាន់ថ្មចំណាំ។ នេះជាការប្រមាថមួយ ដែលមិនអាចទទួលយកបាន”៕