(http://km.rfi.fr/cambodia) ដោយ អ៊ឹម ណាវិន ចុះផ្សាយនៅថ្ងៃ 19/04/2016

ក្រោយពិធីបុណ្យចូលឆ្នាំថ្មីបានបញ្ចប់ មានប្រជាពលរដ្ឋមួយចំនួន នាំគ្នាទៅធ្វើលិខិតឆ្លងដែន ដើម្បីចេញទៅរកការងារធ្វើនៅប្រទេសថៃ ខណៈនៅកម្ពុជាធ្វើស្រែបានផលមិនល្អ ពូជ ជី ថ្លៃនិងរំាងស្ងួតគ្មានទឹក។ ក្នុងចំណោមអ្នកបម្រុងនឹងធ្វើចំណាកស្រុក ក៏មានដែលអ្នកមកពីខេត្តព្រៃវែង។ ពលរដ្ឋមកពីខេត្តព្រៃវែង បានអះអាងថាពួកគាត់ធ្វើចំណាកស្រុករកការងារធ្វើនៅប្រទេសថៃ ដោយទុកដីស្រែជួលឲ្យវៀតណាមវិញ ព្រោះអីកសិកម្មក្នុងស្រុក រស់មិនបានទេ។