(https://www.thmeythmey.com) និពន្ធដោយ : ថ្មីៗ August-31-2016,  12:15 pm

ពលករវៀតណាមជាងបីពាន់នាក់ បានវិលត្រលប់មកប្រទេសកំណើតវិញតាមរយៈច្រកព្រំដែនអន្តរជាតិ Lao Bao និង La Lay នៃខេត្ត Quang Tri ដោយសារពួកគេ មិនបានបំពេញលក្ខខណ្ឌផ្នែកច្បាប់ដែលបានបទបញ្ញត្តិពាក់ព័ន្ធនឹងពលករបរទេសរបស់ឡាវ។ នេះបើយោងតាមការចុះផ្សាយរបស់សារព័ត៌មាន Vietnam Plus នៅថ្ងៃទី៣១ ខែសីហា នេះ។

យោងតាមការអះអាងរបស់មន្ត្រីព្រំដែន ដែលបានដកស្រង់ដោយប្រភពព័ត៌មានដដែលនោះ ពលករទាំងនោះ ភាគច្រើនគឺជាប្រជាជនវៀតណាមកណ្តាល ហើយពួកគេ បានធ្វើការនៅក្នុងប្រទេសឡាវដោយមិនមានការអនុញ្ញាតស្របច្បាប់នោះទេ។

ការវិលត្រលប់មកប្រទេសកំណើតវិញរបស់ពលករវៀតណាមជាច្រើននាក់នេះ ត្រូវបានធ្វើឡើងក្រោមគោលនយោបាយរបស់រដ្ឋាភិបាលឡាវ ដែលបានរឹតបន្តឹងចំពោះពលករបរទេសដែលបម្រើការក្នុងប្រទេសខ្លួន។ ហើយការធ្វើបែបនេះ ក៏ព្រោះតែ រយៈពេលចុងក្រោយនេះ មានពលករបរទេសជាច្រើន បានសម្រុកទៅធ្វើការនៅក្នុងប្រទេសឡាវដោយខុស៕