https://www.facebook.com/Royal-Embassy-of-Cambodia-in-Bangkok ថ្ងៃទី៣០ ខែតុលា ឆ្នាំ២០១៧

កាលពីថ្ងៃទី ២៩ ខែតុលា ឆ្នាំ២០១៧ នៅការិយាល័យបញ្ជាក់អត្តសញ្ជាណខេត្តរ៉ាក់យ៉ង មានពលករកម្ពុជា១រូប ដែលមកធ្វើការបញ្ជាក់អត្តសញ្ញាណ មានអាការៈខ្យល់គរ និងត្រូវបានបញ្ជូនទៅមន្ទីរពេទ្យ បន្ទាប់មកនៅយប់ថ្ងៃ ខែ ឆ្នាំ ដដែល មានពាក្យចចាមរ៉ាមថា ពលករម្នាក់នេះ បានទទួលមរណៈភាព។ ស្ថានទូតព្រះរាជាណាចក្រកម្ពុជាប្រចាំប្រទេសថៃ សូមធ្វើការបញ្ជាក់ថា ព័ត៌មាននៃការទទួលមរណៈភាពនេះគឺមិនពិតឡើយ។ ដោយនៅថ្ងៃទី៣០ ខែតុលា ឆ្នាំ២០១៧ ពលកររូបនោះ និងភរិយា បានត្រឡប់មកធ្វើការបញ្ជាក់អត្តសញ្ញាណពីក្រុមការងារវិញ និងទទួលបានលិខិតធ្វើដំណើរ និងប័ណ្ណពលករកម្ពុជាទៅធ្វើការនៅបរទេស (OCWC) រួចរាល់ហើយ។ សូមសាធារណជន ជាពិសេសបងប្អូនពលករកម្ពុជា ដែលកំពុងស្នាក់នៅ និងធ្វើការនៅប្រទេសថៃ មេត្តាជ្រាបជាព័ត៌មាន និងជួយផ្សព្វផ្សាយបន្ត។