ជនជាតិជប៉ុនម្នាក់បើករថយន្តបុកពលករខ្មែរនៅក្នុងប្រទេសថៃរងរបួសធ្ងន់
http://www.khmer-chonburi.com/archives/ เพียะตรา ประ | สิงหาคม សីហា 9, 2017
កាលពីវេលាម៉ោង11យប់ថ្ងៃទី08 ខែសីហា ឆ្នាំ2017 មានករណីគ្រោះថ្នាក់ចរាចរមួយបានកើតឡើងនៅត្រង់ភូមិនឿរលីខិត ឃុំស៊ូសាក់ ស្រុកស៊ីរាចឆា ខេត្តឈុនបុរី ហេតុការណ៍គ្រោះថ្នាក់ចរាចរនេះបានបង្កឡើងដោយ រថយន្ត Toyota Visgo ពាក់ស្លាកលេខฌฬ 8437 กทม មួយគ្រឿងបើកបរដោយបុរសជនជាតិជប៉ុនម្នាក់ឈ្មោះMR.SHINSUKE TAKAHASHI អាយុ 37ឆ្នាំ បានបើកបុកម៉ូតូមួយគ្រឿងម៉ាកហុងដា វ៉េវសេ110 ពណ៌ក្រហមខ្មៅពាក់ស្លាកលេខ 1กถ 8792 បើ កបរដោយបុរសពលករខ្មែរ ឈ្មោះ Prannong អាយុ29 ឆ្នាំ បណ្ដាលឲ្យរងរបួសធ្ងន់នៅនិងកន្លែងកើតហេតុ។ នរងគ្រោះត្រូវបានភ្នាក់ងារសង្គ្រោះស្រុកស៊ីរាចឆាបញ្ជូនយកទៅសង្គ្រោះនៅមន្ទីរពេទ្យសម្ដេចស្រុកស៊ីរាចឆា ខេត្តឈុនបុរីនៅវេលាបន្តបន្ទាប់។
ប្រភពពីអ្នកឃើញហេតុការណ៍នៅកន្លែងកើតហេតុ បានឲ្យដឹងថាមុនពេលកើតហេតុបុរសពលករខ្មែរបានបើកម៉ូតូតាមបណ្តោយផ្លូវជាតិសើរាចឆាសំដៅទៅត្រង់ភ្លើងស្តុបតឹកCom ស៊ីរាចឆា សម្រាប់តែមានរថយន្តToyota Visgo ខាងលើកបានចេញពីផ្លូវលំដោយល្បឿនលឿនបានជ្រុលទៅបុកនិងម៉ូតូរបស់ពលករខ្មែរយ៉ាងពេញទំហឹងបណ្តាលឲ្យបុរសជាអ្នកបើកបរម៉ូតូរងរបួសធ្ងន់នៅនិងកន្លែងកើតហេតុតែម្តង។ ក្រោយពេលកើតហេតុបុរសជនជាតិជប៉ុនជាអ្នកបើកបររថយន្តបង្កហេតុត្រូវសមត្ថកិច្ចថៃនាំខ្លួនយកទៅធ្វើការសាកសួរនៅឯប៉ុស្តិ៍នគរបាលស្រុកស៊ីរាចឆាដើម្បីចាត់វិធានការតាមផ្លូវច្បាប់។