WIKI: គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស

This page is read only. You can view the source, but not change it. Ask your administrator if you think this is wrong.
====== បើកយុទ្ធនាការបញ្ជាក់អត្តសញ្ញាណជូនពលកម្ពុជានៅថៃចាប់ពីថ្ងៃទី១២ ខែតុលា ======

http://www.rasmeinews.com/  October 13, 2017
	
ភ្នំពេញៈ ស្ថានទូតកម្ពុជាប្រចាំប្រទេសថៃ បានប្រកាសឲ្យដឹងថា គណៈកម្មការផ្ដល់ភាពស្របច្បាប់ដល់ពលករកម្ពុជា ដែលកំពុងស្នាក់នៅ និងធ្វើការនៅប្រទេសថៃ នឹងបើកយុទ្ធនាការបញ្ជាក់អត្តសញ្ញាណ ជូនពលករកម្ពុជា ចាប់ពីថ្ងៃទី១២ ខែតុលា ឆ្នាំ២០១៧។ការបញ្ជាក់អត្តសញ្ញាណ គឺដើម្បីឲ្យពលករកម្ពុជា ដែលកំពុងស្នាក់នៅ និងធ្វើការនៅប្រទេសថៃ ទទួលបានលិខិតធ្វើដំណើរពលករកម្ពុជាធ្វើការនៅបរទេស (TD) និងប័ណ្ណពលករកម្ពុជាទៅធ្វើការនៅបរទេស (OCWC)។
	
យោងតាមសេចក្តីប្រកាសព័ត៌មានរបស់ស្ថានទូតកម្ពុជាប្រចាំនៅប្រទេសថៃបានឲ្យដឹងថា យោងតាមសេចក្តីជូនដំណឹងរបស់គណៈកម្មការផ្តល់ភាពស្របច្បាប់ដល់ពលករកម្ពុជា ដដែលកំពុងស្នាក់នៅនឹងធ្វើការនៅប្រទេសថៃ ចុះថ្ងៃទី២៧ ខែកញ្ញា ឆ្នាំ២០១៧ ស្ថានឯកអគ្គរាជទូតកម្ពុជាប្រចាំនៅថៃ សូមជូនដំណឹងដល់ពលករទាំងអស់ជ្រាបថា គណៈកម្មការផ្តល់ភាពស្របច្បាប់ដល់ពលករកម្ពុជា ដដែលកំពុងស្នាក់នៅនឹងធ្វើការនៅប្រទេសថៃ នឹងធ្វើយុទ្ធនាការបញ្ជាក់អត្តសញ្ញាណជូនបងប្អូនពលករកម្ពុជា ដើម្បីទទួលបានលិខិតធ្វើដំណើរពលករកម្ពុជាធ្វើការនៅបរទេស(TD)និងប័ណ្ណពលករកម្ពុជាទៅធ្វើការនៅបរទេស(OCWC)ចាប់ពីថ្ងៃទី១២ ខែតុលា ឆ្នាំ២០១៧ តទៅ ។
	
លោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិធ្លាប់បានបញ្ជាក់ថា ពលករកម្ពុជានៅប្រទេសថៃមានចំនួនជាងមួយលាននាក់ដែលក្នុងនោះមានប្រមាណ១ភាគ៣ប៉ុណ្ណោះដែលជាពលករស្របច្បាប់ និង២ភាគ៣ទៀត គឺជាពលករដែលមិនទាន់មានលក្ខណៈស្របច្បាប់នៅឡើយ។ ការថ្លែងបញ្ជាក់នេះ បានធ្វើឡើងនៅក្នុងជំនួបពិភាក្សាជាមួយលោកស្រី Nenette MOTUS នាយកប្រចាំតំបន់អាស៊ី និងប៉ាស៊ីហ្វិកនៃអង្គការទេសសន្តរប្រវេសន៍អន្តរជាតិ (IOM) នៅទីស្តីការក្រសួងការបរទេស កាលពីរសៀលថ្ងៃទី៩ ខែតុលាកន្លងទៅ។ លោករដ្ឋមន្ត្រីបានបន្តថា រាជរដ្ឋាភិបាលកម្ពុជាបានខិតខំប្រឹងប្រែង ក្នុងដំណើរការធ្វើឲ្យពលករខ្មែរនៅប្រទេសថៃទាំងអស់ទទួលនៅស្ថានភាពស្របច្បាប់ ក្នុងការរស់នៅ និងការបំបេញការងារនៅប្រទេសថៃ៕MN/ដោយៈមុនីរ័ត្ន
{{ :website_news:m29-04-16-y-1.jpg?nolink |}}{{ :website_news:workers-855-750x562.jpg?nolink |}}

{{tag>សារព័ត៌មាន ភ្នំពេញ}}