http://police.gov.kh/blog 9:58 am 25 ឧសភា 2017

ភ្នំពេញ ៖ ជនសង្ស័យប្រុស-ស្រីពីរនាក់ត្រូវបានកម្លាំងការិយាល័យប្រឆាំងការជួញដូរមនុស្ស បានឃាត់ខ្លួននៅថ្ងៃទី២៤ ខែឧសភា ឆ្នាំ២០១៧ ពាក់ព័ន្ធករណីជួញដូរក្រលៀន នាំជនរងគ្រោះទៅវះកាត់ដូរក្រលៀននៅប្រទេសឥណ្ឌា។

លោកវរសេនីយ៍ឯក កែវ ធា នាយការិយាល័យប្រឆាំងជួញដូរមនុស្ស នៃស្នងការដ្ឋាននគរបាលរាជធានីភ្នំពេញ បានឲ្យដឹងថាជនរងគ្រោះទី១-ឈ្មោះឡាច ហុងម៉េង ភេទប្រុស អាយុ ៣៤ឆ្នាំ និងទី២-ឈ្មោះអើ ឡាត ភេទស្រី អាយុ៣៨ឆ្នាំ។ វត្តុតាងដកហូតរួមមានៈ លិខិតឆ្លងដែនចំនួន១២ក្បាល, ឯកសារពាក់ព័ន្ធបទល្មើសមួយចំនួនទៀត។ បច្ចុប្បន្នជនសង្ស័យឃាត់ខ្លួនបណ្តោះអាសន្ននៅការិយាល័យប្រឆាំងជួញដូរមនុស្ស ដើម្បីបន្តអនុវត្តតាមនីតិវិធី ៕