សេចក្តីជូនដំណឹងស្តីពីការឈប់សម្រាករបស់ក្រុមការងារបញ្ជាក់អត្តសញ្ញាណ (ត្រួតសញ្ជាតិ) ក្នុងឱកាសបុណ្យចូលឆ្នាំសាកលខាងមុខនេះ
Royal Embassy of Cambodia in Bangkok December/ 22/ 2017 at 1:45pm
គណៈកម្មការផ្តល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ សូមជម្រាបជូនដំណឹងដល់សាធារណជន ជាពិសេសបងប្អូនពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ ឱ្យបានជ្រាបថា នាឱកាសបុណ្យចូលឆ្នាំសាកល ក្រុមការងារបើកផ្តល់លិខិតឆ្លងដែន(PP) លិខិតធ្វើដំណើរ(TD) និងប័ណ្ណពលករទៅធ្វើការនៅបរទេស(OCWC) នៃលេខាធិការដ្ឋានអចិន្ត្រៃយ៍ប្រចាំស្ថានទូតកម្ពុជានៅទីក្រុងបាងកក និងក្រុមការងារអន្តរក្រសួងចល័តនៅទីក្រុងបាងកក និងខេត្តរ៉ាក់យ៉ង នឹងឈប់សម្រាកចំនួន ៤ថ្ងៃ គឺចាប់ពីថ្ងៃទី១៣កើត ខែបុស្ស ឆ្នាំរកា នព្វស័កព.ស២៥៦១ ដល់ថ្ងៃ១រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៣០ ខែធ្នូ គ.ស២០១៧ ដល់ថ្ងៃទី២ ខែមករា គ.ស ២០១៨ ។
ដោយឡែក ក្រុមការងារអន្តរក្រសួងចល័តនៅខេត្តសុងក្លា នឹងឈប់សម្រាកចំនួន ៥ថ្ងៃ រហូតដល់ថ្ងៃទី៣ ខែមករា គ.ស ២០១៨ ។ សេចក្តីដូចបានជម្រាបជូនខាងលើ សូមសាធារណជន ជាពិសេសបងប្អូនពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ ជ្រាបជាព័ត៌មាន។