Royal Embassy of Cambodia in Bangkok December/ 21/12/ at 5:28pm

គណៈកម្មការផ្តល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ សូមជម្រាបជូនដំណឹងដល់សាធារណជន ជាពិសេសបងប្អូនពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ ឱ្យបានជ្រាបថា បងប្អូនពលករកម្ពុជាដែលបានមកបញ្ជាក់អត្តសញ្ញាណ ជាមួយក្រុមការងារអន្តរក្រសួងចល័តនៅការិយាល័យទីក្រុងបាងកក អាចទៅស្នើសុំបន្តទិដ្ឋាការស្នាក់នៅ និងធ្វើការនៅក្នុងប្រទេសថៃ នៅការិយាល័យប៉ូលីសអន្តោសប្រវេសន៍ថៃ នៅក្នុងផ្សារប៊ីកស៊ីឡាតប្រាវ (Big C Ladphrao) ជាន់ទី៥ នៅទីក្រុងបាងកក ចាប់ពីថ្ងៃជូនដំណឹងនេះតទៅ។ អាស្រ័យដូចបានជម្រាបជូនខាងលើ សូមសាធារណជន ពិសេសបងប្អូនពលករ ជ្រាបជាព័ត៌មាន។