http://www.bayon-tv-news.html 27/06/2017

ភ្នំពេញ ៖ អាជ្ញាធរមានសមត្ថកិច្ច នឹងបន្តចាត់វិធានការទៅលើក្រុមមនុស្សដែលបានដើរដាក់ពង្រាយកូនក្មេងតូចៗ ឲ្យដើរសុំទាននៅតាមភ្លើងស្តុបក្នុងរាជធានីភ្នំពេញ។ ការបន្តចាត់វិធានការនេះ គឺបន្ទាប់ពីកងកម្លាំងនគរបាលប្រឆាំងការជួញដូរមនុស្ស និងការពារអនីតិជន នៃស្នងការនគរបាលរាជធានីភ្នំពេញ បានចាប់ខ្លួនស្ត្រី០៣នាក់ ដែលបានញុះញង់ឲ្យក្មេងៗដើរសុំទានតាមភ្លើងស្តុបដើម្បីយកលុយឲ្យខ្លួន។

ជាមួយគ្នានេះ ប៉ូលិសបានកសាងសំណុំរឿងបញ្ជូនខ្លួនស្ត្រីចំនួន០៣នាក់ ដែលប្រើក្មេងៗ ដើរសុំទានតាមភ្លើងស្តុបទៅកាន់សាលាដំបូងរាជធានីភ្នំពេញ។ ស្ត្រីទាំងបីនាក់ត្រូវបានកម្លាំងនគរបាលប្រឆាំងការជួញដូរមនុស្ស និងការពារអនីតិជន នៃស្នងការនគរបាលរាជធានីភ្នំពេញ ចាប់ខ្លួនកាលពីរសៀលថ្ងៃទី២៦ ខែមិថុនា ឆ្នាំ២០១៧ នៅស្តុបផ្សារដើមគរ៕