សមត្ថកិច្ចថៃកំពុងបើកការស៊ើបអង្កេតលើករណី តម្រួតថៃជំរិតទារប្រាក់ពីពលករខ្មែរ នៅខេត្តស្រះកែវ
http://www.pheaktraprak.com December 26, 2017
កាលពីថ្ងៃអង្គារទី២៦ ខែធ្នូ ឆ្នាំ២០១៧នេះ លោកអគ្គស្នងការមេតម្រួតប្រទេសថៃ បានដាកបញ្ជាអោយលោកស្នងការតម្រួតខេត្តស្រះកែវ ប្រទេសថៃ អោយបើកការសើបអង្កេតស្រាវជ្រាវលើករណីវីដេអូឃ្លីបហេតុការណ៍តម្រួតថៃមួយរូបគណៈពេលកំពុងជំរិតទាប្រាក់ពីរពលករខ្មែរក្នុងមនុស្សម្នាក់១០០បាត ទាំងមានលិខិតឆ្លងដែនធ្វើដំណើរត្រឹមត្រូវ ខណៈពេលដែលពលករខ្មែរទាំងអស់នោះជិះរថយន្តតូរីសធ្វើដំណើរដើម្បីវិលត្រឡប់ទៅជួបគ្រួសារនៅឯប្រទេសកម្ពុជា។
តាមការបញ្ជាក់របស់អ្នកនាំពាក្យអគ្គស្នងការតម្រួតថៃ បានប្រាប់ឲ្យដឹងថា ក្នុងករណីវីដេអូឃ្លីបជំរិតទារប្រាក់ពីពលករខ្មែរខាងលើនេះ លោកអគ្គស្នងការមេតម្រួតថៃបានបញ្ជាឲ្យលោកស្នងការតម្រួតខេត្តស្រះកែវតាមស្រាវជ្រាវរកតម្រួតនៅក្នុងឃ្លីបវីដេអូនេះអោយឃើញនៅក្នុងរយះពេល៧ថ្ងៃ ព្រមទាំងប្រកាសចាត់វិធានការយ៉ាងដាច់ខាតចំពោះមន្ត្រីតម្រួតថៃ ដែលជំរិតទារប្រាក់ពីពលករកម្ពុជាដែលស្របច្បាប់។