មិនដឹងប្រញាប់ទៅណា.? ពលករខ្មែររងរបួសម្នាក់
http://www.prakpheaktra.com March 2, 2018
នារីថៃម្នាក់បើកម៉ូតូលឿនដូចហោះរួចជាន់ហ្វាំងមិនទាន់បុកគូទម៉ូតូពលករខ្មែរបណ្ដាលឲ្យរងរបួសទាំងពីរនាក់ កាលពីវេលាម៉ោង10:00យប់នាថ្ងៃព្រហស្បតិ៍ទី01 ខែមិនា ឆ្នាំ2018 មានករណីគ្រោះថ្នាក់ចរាចររវាងម៉ូតូនិងម៉ូតូបណ្ដាលឱ្យបុរសពលករខ្មែរម្នាក់របួស។ ករណីគ្រោះថ្នាក់ចរាចរបានកើតឡើងនៅសណ្ឋាគារមួយនៅត្រង់ចំណុចមុខផ្សារសាំងការសុីស្ថិតនៅស្រុកបានផែវ ខេត្តរ៉ាក់យ៉ង។ ប្រភពពីកន្លែងកើតហេតុបានរៀបរាប់ឲ្យដឹងថា គេឃើញម៉ូតូមួយគ្រឿងបើកបរនារីជនជាតិថៃម្នាក់ដោយល្បឿនលឿនហើយបានជ្រុលបុកកន្ទុយម៉ូតូ មួយគ្រឿងទៀតដែលបើកបរដោយបុរសខ្មែរពីរនាក់ ខណៈពេលកំពុងបត់ចូលក្នុងសណ្ឋាគារក្បែរកន្លែងកើតហេតុ បានឲ្យអ្នកបើកបរម៉ូតូទាំងពីររងរបួសធ្ងន់។ នៅក្រោយពេលកើតហេតុជនរងគ្រោះទាំងពីរត្រូវសមត្ថកិច្ចថៃបញ្ជូនយកទៅព្យាបាលនៅមន្ទីរពេទ្យខេត្តរ៉ាក់យ៉ង ចំណែកឯម៉ូតូទាំងពីរគ្រឿងត្រូវបានសម្ថកិច្ចថៃធ្វើការវាស់វែងរួចយកទៅរក្សាទុកនៅអធិការដ្ឋានតម្រួតខេត្តរ៉ាក់យ៉ងដើម្បីរង់ចាំរកខុសត្រូវនៅពេលក្រោយ។