https://khmernews.news/article/ ដារ៉ា ថ្ងៃទី ០៥ តុលា ២០១៨

ពលករខ្មែរដែលធ្វើចំណាក់ស្រុក ទៅរកការងារធ្វើនៅប្រទេសថៃ ត្រូវប្រថុយប្រថានគ្រោះថ្នាក់ ជារៀងរាល់ថ្ងៃ។ អ្នកខ្លះរងគ្រោះរហូតដល់បាត់បង់ជីវិតថែមទៀតផង។ ក្នុងរយៈពេលបីឆ្នាំចុងក្រោយនេះ មានសពកម្មករខ្មែររាប់រយនាក់ ត្រូវបានសមត្ថកិច្ចថៃបញ្ជូនមកខ្មែរវិញ។ ដោយឡែកកាលពីពេលថ្មីៗនេះពលករខ្មែរម្នាក់ ត្រូវបានស្លាប់ពេលកំពុងធ្វើការ ដោយធ្លាក់ពីលើអាគារ ។ ក្រោយពីកើតហេតុហើយភាគីថៃ បានដឹកសពតាមរថយន្តបញ្ជូនមកកម្ពុជា តាមច្រកទ្វារអន្តរជាតិប៉ោយប៉ែត ដើម្បីប្រគល់សពឲ្យសាច់ញាតិ កាលពីថ្ងៃទី០២ ខែតុលា ឆ្នាំ២០១៨នេះ។ខាងក្រោមនេះជាការរៀបរាបរបស់ប្អូនប្រុសជនរងគ្រោះ “ បងប្រុសខ្ញុំគាត់បានទៅ ទៅលើកនេះមិនអាចមកវិញទេទៅរហូត សូមអោយបងទៅបានក្ដីសុខ ជាតិក្រោយមានពិតសូមជូបបងម្ដងទៀត ជីវិតអ្នកក្រពលកស្រុកថៃ បងប្អូនអើយជូយស៊ែម្នាក់មួយមកបើអារណិតអោយពលកខ្មែរយើងបានឃើញផង ស្លាប់ថ្ងៃទី2 ខែតុលា ឆ្នាំ2018 វេលាប្រហែលជាម៉ោង10ព្រឹក” ៕