http://www.prakpheaktra.com February 7, 2018

នៅព្រឹកថ្ងៃអង្គារ ទី០៦ ខែកុម្ភៈ ឆ្នាំ២០១៨ កម្លាំងអាជ្ញាធរតម្រួតខេត្តសាមុតសាខនប្រទេសថៃ បានធ្វើយុទ្ធនាការចុះត្រួតពិនិត្យឯកសារធ្វើការរបស់ពលករបរទេស ដែលកំពុងធ្វើការនៅក្នុងរោងចក្រសហគ្រាសតូចធំមួយចំនួនក្នុងខេត្តសាមុតសាខន ដោយមានការចូលរួមសហការពីកម្លាំងតម្រួតអន្តោប្រវេសន៍និងកម្លាំងទាហានដឹកដោយសម្ថកិច្ចក្រសួងការងារថៃ ដើម្បីទប់ស្កាត់បញ្ហាពលករចំណាកស្រុកខុសច្បាប់លបលួចធ្វើការដោយគ្មានច្បាប់អនុញ្ញាត ។

ក្នុងកិច្ចសហប្រតិបត្តិការចុះត្រួតពិនិត្យឯកសារធ្វើការរបស់ពលករបរទេសក្នុងរោងចក្រសហគ្រាសខាងលើនេះ កម្លាំងអាជ្ញាធរថៃធ្វើការត្រួតពិនិត្យពលករបរទេសចំនួន៤៨នាក់ ក្នុងមានពលករបរទេសចំនួន០៥នាក់ ធ្វើការខុសថៅកែ ដោយម្ចាស់សហគ្រាសខាងលើបញ្ជាក់ប្រាប់ថាពលករទាំង០៥នាក់ កំពុងស្ថិតក្នុងការប្ដូរថៅកែនៅក្រសួងការងារ ក្នុងនោះដែរសម្ថកិច្ចបានធ្វើការដាសតឿនដល់ថៅកែ សហគ្រាសខាងលើប្រញាប់ធ្វើរឿងប្ដូរថៅកែអោយចប់សព្វគ្រប់ក្នុងរយៈពេល១៥ថ្ងៃបើមិនដូច្នេះទេនិងត្រូវមានទោសចាប់ផាកពិន័យតាមផ្លូវច្បាប់។