សមត្ថកិច្ចស្វែងរកមុខអ្នកអ្នកចែកចាយខិត្តប័ណ្ណសេវាផ្លូវភេទ ក្នុងរាជធានីភ្នំពេញ ដើម្បីចាត់ការតាមច្បាប់
https://peoplenews.asia/ ដោយ ៖ សុខ សាន្ត ថ្ងៃទី17 ខែ08 ឆ្នាំ2018 ម៉ោង 8:07 AM
ភ្នំពេញ៖ ការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ បានអំពាវនាវឲ្យ ប្រកាសស្វែងរកមុខអ្នកអ្នកចែកចាយខិត្តប័ណ្ណសេវាផ្លូវភេទ ក្នុងរាជធានីភ្នំពេញ ដើម្បីចាត់ការតាមច្បាប់។មហាជនលើកឡើងថាមិនពិបាករកដូចរាវម្ជុលក្នុងបាតសមុទ្រ ទេ ព្រោះនៅលើស្ទិកឃ័រ មានលេខទូរសព្វ័ស្រាប់ហើយ។យោងតាម ហ្វេសប៊ុកផេកការិយាល័យប្រឆាំងការជួញដូរមនុស្សនិងការពារអនីតិជនរាជធានីភ្នំពេញ សរសេរនៅថ្ងៃទី១៧ ខែសីហា នេះ ថា “សូមបងប្អូនប្រជាពលរដ្ឋដែលបានឃើញជនណាដែលដើរចែកនាមប័ណ្ណឬខិត្តប័ណ្ណដែលមានខ្លឹមសារ ពាក់ព័ន្ធនឹងសេវាម៉ាស្សា ឬ សេវាផ្លូវភេទ នៅរាជធានីភ្នំពេញសូមមេត្តារាយការណ៍ជូនសមត្តកិច្ចដែលនៅជិតបំផុតឬរាយការណ៍មកលេខទូរសព្ទ ០១២៦៩០០៩៩ ឬ ០៨៨២១២៨៨៨៨ ដេីម្បីមានវិធានការតាមផ្លូវច្បាប់ជាធរមាន ។
មហាជនលើកឡើងថា អស់ពីខេត្តព្រះសីហនុ , ឥឡូវនេះរាជធានីភ្នំពេញ មានអ្នកចែកចាយខិត្តប័ណ្ណសេវាម៉ាស្សា ឬ សេវាផ្លូវភេទម្តង ជាសាធារណៈ ។ ករណីនេះ ប៉ះពាល់ដល់សណ្តាប់ធ្នាប់សាធារណៈ និង សីលធម៌ដ៏ល្អនៃជនជាតិខ្មែរ ។