ថៃចេញច្បាប់តម្រូវឲ្យទូកនេសាទមានលេខសំគាល់ ព្រោះហេតុផលពិសេសមួយ
http://news.sabay.com.kh/article/ ថ្ងៃទី ១៩ ខែមេសា ឆ្នាំ ២០១៨ ម៉ោង 15:52
នាយកដ្ឋានជលផលថៃ បានតម្រូវឲ្យទូកនេសាទទាំងអស់លាបលេខកូតសំគាល់នៅចំហៀងទូកនីមួយៗឲ្យបានមុនបំណាច់ខែ ឧសភានេះ។ ប្រធាននាយកដ្ឋានជលផល លោក Adisorn Promthep និយាយថាច្បាប់នេះបានចូលជាធរមានកាលពីថ្ងៃទី ១មេសាក្រោយត្រូវបានផ្សព្វផ្សាយដោយ Royal Gazette។ ចំណាត់ការនេះ ធ្វើឡើងក្រោមហេតុផលដោះស្រាយបញ្ហានេសាទដោយខុសច្បាប់នានា។ លើសពីនេះទៀតវានឹងជួយឲ្យអាជ្ញាធរងាយស្រួលក្នុងការកំណត់មុខសញ្ញាទូកដែលអាចជាប់ពាក់ព័ន្ធនឹងបទល្មើសជួញដូរមនុស្សផងដែរ។
គួរឲ្យដឹងថា លេខកូតសំគាល់នេះមានសំណុំតួអក្សរ និងលេខចំនួនបួន ហើយត្រូវលាបនៅចំហៀងទូកដើម្បីងាយស្រួលមើល។ ឧទាហរណ៍ដូចជាលេខកូត “T-M-245-B” ដោយអក្សរ T មានន័យថាទូកនេះត្រូវនេសាទតែក្នុងឈូងសមុទ្រថៃប៉ុណ្ណោះ ខណៈអក្សរ Mមានន័យថាទូកត្រូវមានទម្ងន់យ៉ាងតិច ៣០ តោន ប៉ុន្តែមិនត្រូវលើស ៦០ តោន ចំណែកឯលេខ 245 គឺជាលេខចុះបញ្ជីទូក ហើយអក្សរ Bមានន័យថាទូកនេះមានអួនផងដែរ៕