https://wmc.org.kh/ ថ្ងៃអង្គារ ទី១២ ខែកុម្ភៈ ឆ្នាំ២០១៩ កែវ សុខា

ភ្នំពេញ៖ តាមរយៈកិច្ចសន្ទនាថ្នាក់ជាតិ ស្តីអំពី«អំពើហិង្សាផ្លូវភេទលើកុមារី»ក្រុមអង្គការសង្គមស៊ីវិលបង្ហាញថា ការប្រើអំពើហិង្សាផ្លូវភេទ ការបំពានរូបរាងកាយកុមារី និងកង្វះយន្តការក្នុងការដោះស្រាយនៅតែជាបញ្ហាប្រឈមនៅឡើយ ខណៈមន្រ្តីរដ្ឋាភិបាលលើកឡើងថា អាជ្ញាធរពាក់ព័ន្ធបាន នឹងកំពុងដោះស្រាយបញ្ហានេះដោយមិនបានព្រងើយកន្តើយឡើយ។ ការលើកឡើងនេះធ្វើឡើងនៅក្នុងកិច្ចសន្ទនាមួយរវាងមន្ត្រីរាជរដ្ឋាភិបាល និងក្រុមអង្គការសង្គមស៊ីវិលដែលធ្វើការងារពាក់ព័ន្ធនឹងបញ្ហាកុមារនៅថ្ងៃទី១១ កុម្ភៈនេះ នៅសណ្ឋាគារសាន់វេ ក្រុងភ្នំពេញ។