អង្គការសង់ត្រាល់បានរៀបចំវេទិកាសហគមន៍ស្តីពីការធ្វើចំណាកស្រុកប្រកបដោយសុវត្ថិភាព
https://www.facebook.com/CentralCambodiaOrg/ 06-11-2020
នៅថ្ងៃទី០៤ ខែវិច្ចិកា ឆ្នាំ២០២០នេះ អង្គការសង់ត្រាល់បានរៀបចំវេទិកាសហគមន៍ស្តីពីការធ្វើចំណាកស្រុកប្រកបដោយសុវត្ថិភាពស្ថិតនៅភូមិស្រះចកនិងភូមិអូថ្ម ឃុំ សន្តិភាព ស្រុក សំពៅលូន ខេត្តបាត់ដំបង ក្នុងនោះមានអ្នកចូលរួមសរុប៧៥ នាក់ ស្រ្តី ៤៩ នាក់ ប្រុស ២៦ នាក់ ក្រោមកិច្ចសហការ ជាមួយអាជ្ញាធរឃុំសន្តិភាព ស្រុកសំពៅលូន ខេត្តបាត់ដំបង ។ #កម្មវិធីនេះរៀបចំឡើងក្នុងគោលបំណងដើម្បី៖
• លើកកម្ពស់ការយល់ដឹងដល់ប្រជាពលរដ្ឋស្ដីពីការធ្វើចំណាកស្រុកប្រកបដោយសុវត្តិភាព ជៀសវាងចាញ់បោកមេខ្យល់ដែលជាកម្មវត្ថុក្នុងការជួញដូរមនុស្សនិងការរំលោភបំពានសិទ្ធការងារគ្រប់រូបភាព។
•កាត់បន្ថយការធ្វើចំណាកស្រុកដោយគ្មានឯកសារជាហេតុប្រឈម និងគ្រោះថ្នាក់នៃអំពើជួញដូរ និងរំលោភបំពានសិទ្ធមនុស្សផ្សេងៗ។
• លើកកម្ពស់ការចូលរួមពីប្រជាពលរដ្ឋ និងពង្រឹងពង្រីកសហការណ៍ជាមួយអាជ្ញាធរមូលដ្ឋានក្នុងការទប់ស្កាត់ការជួញដូរមនុស្សគ្រប់ប្រភេទ។