http://moj.gov.kh/ ២៧ ឧសភា ២០២០

នាព្រឹកថ្ងៃពុធ ៦កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែឧសភា ឆ្នាំ២០២០ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានដឹកនាំសហការី អញ្ជើញចូលរួមពិធីផ្សព្វផ្សាយរបាយការណ៍ជាតិស្តីពីការងារប្រយុទ្ធប្រឆាំង អំពើជួញដូរមនុស្ស ឆ្នាំ២០១៩ និងទិសដៅការងារឆ្នាំ២០២០ របស់គណៈកម្មាធិការជាតិប្រយុទ្ធប្រឆាំង អំពើជួញដូរមនុស្ស (គ.ជ.ប.ជ) ក្រោមអធិបតីភាពដ៏ខ្ពង់ខ្ពស់ សម្តេចក្រទ្បាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ។

ក្នុងឱកាស នោះដែរ សម្តេចក្រទ្បាហោម ក៏បានសម្តែងនូវការគាំទ្រ និងគូសបញ្ជាក់នូវសារៈសំខាន់ នៃយុទ្ធនាការដោះស្រាយការកកស្ទះសំណុំរឿងនៅតាមសាលាដំបូងរាជធានី ខេត្ត ដែលបាន ដាក់ចេញដោយ ឯកឧត្តម រដ្ឋមន្ត្រី ក្រសួងយុត្តិធម៌។ នៅក្នុងពិធីនោះផងដែរ ឯកឧត្តម រដ្ឋមន្រ្តី ក្នុងនាមជាប្រធានក្រុមការងារកិច្ចការយុត្តិធម៌នៃ គ.ជ.ប.ជ ក៏បានទទួលនូវប័ណ្ណសរសើរ ពីសម្តេចក្រទ្បាហោមចំពោះកិច្ចខិតខំប្រឹងប្រែង ក្នុងការងារផ្តល់យុត្តិធម៌ជូនជនរងគ្រោះនៃអំពើជួញដូរមនុស្ស។