http://khmerinkorea.com/ Kong Arey / Khmer Times February 1, 2021

នៅពេលមានការកើនឡើងភ្លាមៗ នៃករណីជំងឺកូវីដ-១៩ នៅក្នុងទីផ្សារអាហារសមុទ្រ ខេត្តសាមុតសាខុនប្រទេសថៃពលករចំណាកស្រុកកម្ពុជា ដែលប្រឈមនឹងបញ្ហាការងារធ្ងន់ធ្ងរ ដោយសារការបញ្ឈប់ការងារ និងការលំបាកក្នុងការធានាការងារថ្មីបានរកឃើញថា ពួកគេស្ថិតក្នុងភាពច្របូកច្របល់ថ្មីដែលធ្វើឲ្យពួកគេគ្មានជំរើសក្រៅពីភៀសខ្លួន។ ដោយពលកររាប់ពាន់នាក់បានរត់ភៀសខ្លួនចេញពីប្រទេសថៃ តាមមធ្យោបាយដែលអាចធ្វើទៅបានតាមរយៈចំណុចត្រួតពិនិត្យស្របច្បាប់ ទោះបីជាចំណុចត្រួតពិនិត្យអន្តោប្រវេសន៍ព្រំដែន ត្រូវបានបិទជាផ្លូវការក៏ដោយ។ មនុស្សជាច្រើនបានជិះទូកខ្នាតតូច និងជិះតាក់ស៊ីខុសច្បាប់ទៅព្រំដែនកម្ពុជា-ថៃដោយខ្លួនឯង ខណៈដែលអ្នកផ្សេងទៀតបានទាក់ទងភ្នាក់ងារ ដើម្បីដឹកជញ្ជូនពួកគេនៅជិតព្រំដែនកម្ពុជាតាមដែលអាចធ្វើទៅបាន។នៅពេលដែលត្រូវបានគេទម្លាក់ចោលនៅតំបន់ដែលមានរាប់ពាន់គីឡូម៉ែត្រពីព្រំដែន ប្រជាជនកម្ពុជាបានធ្វើដំណើរឆ្លងកាត់ព្រៃ និងដីស្រែឆ្ពោះទៅអូរមួយដែលនៅពេលនេះនៃឆ្នាំនេះមានជម្រៅប្រហែល ១ ម៉ែត្រដើម្បីស្វែងផ្លូវត្រឡប់ទៅជម្រកនៅក្នុងប្រទេសកំណើតវិញ។

កិច្ចប្រឹងប្រែងរបស់ខ្មែរថាមស៍ក្នុងការស្វែងរកការឆ្លងដែនខុសច្បាប់ បានធ្វើឲ្យមានការលំបាកដោយសារព្រំដែននៅបាត់ដំបងបានអូសបន្លាយចម្ងាយប្រហែល៤០គីឡូម៉ែត្រ ហើយការល្បាតសន្តិសុខក៏ត្រូវបានបង្កើនផងដែរ។ពលករទាំងនេះ ពួកគេមិនបានព្យាយាមប្រើប្រាស់ចំនុចត្រួតពិនិត្យជាផ្លូវការដែលនៅតែបើកចំហរសម្រាប់ការដឹកទំនិញឡើយ។ ពួកគេប្រើអ្វីដែលលោកខាងលិចហៅថា រណ្តៅកណ្តុរ ដើម្បីលួចឆ្លងកាត់ព្រំដែនថៃ ដោយដើរឆ្លងកាត់ទឹកហូរចូលទៅក្នុងប្រទេសកម្ពុជាហើយបន្ទាប់មកដើរកាត់ដីស្រែលើទឹកដីកម្ពុជា ដើម្បីស្វែងរកទាហានល្បាតដើម្បីជួយ។

លោក ត្រៃ រ័ត្ន អភិបាលរងស្រុកសំពៅលូនបាននិយាយថា៖ «ពួកគេមានសំណាងណាស់ដែលជនជាតិថៃបានសហការគ្នាហើយពេលខ្លះបានជូនដំណឹងអំពីការល្បាតពីវត្តមានរបស់ពលករចំណាកស្រុកទាំងនេះនៅតាមព្រំដែន ហើយបានលើកទឹកចិត្តឲ្យយើងទទួល ឬជួយពួកគេឆ្លងកាត់អូរខណៈលើកទឹកចិត្តដល់ពលករឆ្លងកាត់ផ្លូវទឹកដោយគ្មានការភ័យខ្លាច»។ ពលករបានប្រាប់យើងថា នៅពេលខ្លះពួកគេមានសំណាងដែលបានជួបពលករខ្មែរនៅលើដីស្រែថៃដែលបានផ្តល់ស្បៀងអាហារ និងទឹកហើយណែនាំពួកគេនៅលើផ្លូវឆ្លងកាត់ដែលល្អបំផុតហើយនៅពេលផ្សេងទៀតទាហានថៃផ្តល់ទិសដៅផងដែរ។ លោកបន្ថែមថាទោះយ៉ាងណា ពលករភាគច្រើនបានឆ្លងកាត់ដីស្រែ បន្លែ និងចូលតាមខ្សែរទឹកមកកម្ពុជា។ លោកនិយាយថា៖ «សូម្បីតែកសិកររបស់យើងដែលនៅជិតព្រំដែនក៏មិនដឹងថាតើពលករមកពីពេលណា ឬទីណាដែរប៉ុន្តែយើងបានជូនដំណឹងដល់ពួកគេអំពីលទ្ធភាពទាំងនេះ និងជូនដំណឹងដល់មន្រ្តីរបស់យើងប្រសិនបើពួកគេបានឃើញពលករចំណាកស្រុក ឬបានដឹងអំពីវត្តមានរបស់ពួកគេនៅក្នុងភូមិ»។

លោកវរសេនីយ៍ទោ រុន ថារី មេបញ្ជាការកងរាជអាវុធហត្ថស្រុកកំរៀងបានអោយដឹងថាមានពលករខ្លះមានការភ័យខ្លាចក្នុងការជាន់មីន ដែលអាចកើតមានឡើង។ លោកនិយាយថា៖ «ទោះយ៉ាងណា ពួកគេភាគច្រើនដើរតាមគន្លងដែលពួកគេឃើញនៅក្នុងទីងងឹតដោយប្រើខ្សែភ្លើង ឬទូរស័ព្ទ ដោយប្រើវាជាទិសដៅដើម្បីរកអូរ និងកន្លែងដែលត្រូវឆ្លងកាត់។ កាលពីអតីតកាល មានករណីឆ្លងដែនខុសច្បាប់ចូលក្នុងប្រទេសថៃដែលបញ្ចប់ដោយអ្នកស្លាប់ ឬរងរបួសធ្ងន់ធ្ងរនៅពេលពួកគេឈានដល់តំបន់មីន»។ លោកបន្ថែមទៀតថាអាជ្ញាធរមិនច្បាស់ថានៅពេលណាលំហូរចូលនៃជនអន្តោប្រវេសន៍នឹងបញ្ឈប់នោះទេ ប៉ុន្តែបានទទួលស្គាល់ថាវាមានភាពយឺតយ៉ាវ ដោយផ្តល់ពេលវេលាដល់មណ្ឌលដើម្បីធ្វើការសម្អាតសម្រាប់មេរោគ និងផ្លាស់ប្តូរកងទ័ពមួយចំនួន។ ប្រែសម្រួលដោយ សៀវ គួយអ៊ី