https://www.khmertimeskh.com/ Khmer Times November 2, 2021

ពលករចំណាកស្រុកខុសច្បាប់ត្រូវបានឃាត់ខ្លួននៅព្រំដែន។ ក្រសួងការពារជាតិព្រមានមន្ត្រីរដ្ឋណាដែលត្រូវបានរកឃើញថាពាក់ព័ន្ធនឹងការជួញដូរមនុស្សនឹងប្រឈមនឹងការផ្ដន្ទាទោសយ៉ាងធ្ងន់ធ្ងរ។ កងយុទ្ធពលភូមិន្ទថៃក្រសួងការពារជាតិបាននិយាយកាលពីថ្ងៃអាទិត្យថា ពលករចំណាកស្រុកខុសច្បាប់ជាង ៣០,០០០នាក់ ត្រូវបាននិរទេសចាប់តាំងពីដើមឆ្នាំ ដោយចំនួនកើនឡើងមុនពេលការបើកប្រទេសឡើងវិញនៅថ្ងៃចន្ទ។

អ្នកនាំពាក្យក្រសួងបាននិយាយថា ភាគច្រើននៃពលករចំណាកស្រុកខុសច្បាប់ចំនួន ៣០,៣៤៣ នាក់ដែលត្រូវបានចាប់និងឃុំខ្លួននៅតាមព្រំដែនខ្មែរ-ថៃ និងមីយ៉ាន់ម៉ា-ថៃ ជាពិសេសនៅខេត្តឈៀងម៉ៃ តាក កានចាន់បុរី និងខេត្តចាន់ថាបុរី។ លោកបានបន្តថា មន្ត្រីរដ្ឋត្រូវបានគេចោទថាមានជាប់ពាក់ព័ន្ធនឹងសកម្មភាពជួញដូរមនុស្សទាំងនេះ ហើយអាជ្ញាធរកំពុងស៊ើបការណ៍ពួកគេដើម្បីបង្កើតទំនាក់ទំនងជាមួយក្រុមជួញដូរមនុស្ស។ លោកឧត្តមសេនីយ៍ Kongcheep Tantravanich បាននិយាយថា អាជ្ញាធរសន្តិសុខកំពុងបង្កើនកិច្ចខិតខំប្រឹងប្រែងនៅតាមព្រំដែន ដើម្បីទប់ស្កាត់ការលួចចូលខុសច្បាប់ និងសកម្មភាពឆ្លងដែនខុសច្បាប់ផ្សេងទៀត រួមទាំងការជួញដូរគ្រឿងញៀនផងដែរ។ លោកបន្តថា យោធាកំពុងសហការជាមួយប៉ូលិស និងអាជ្ញាធរមូលដ្ឋាន ដើម្បីបង្ក្រាបសកម្មភាពទាំងនេះ។ លោកបានមានប្រសាសន៍ថា ថៅកែក៏ត្រូវបានលើកទឹកចិត្តឱ្យសហការគ្នា ដោយមិនជួលកម្មករចំណាកស្រុកខុសច្បាប់ ដែលប្រហែលជាមិនត្រូវបានធ្វើតេស្តរកមេរោគកូវីដ-១៩ ដែលជាហានិភ័យបង្កឱ្យមានការផ្ទុះរីករាលដាលបន្ថែមទៀត។

កាលពីប៉ុន្មានខែមុន អាជីវកម្មបានរកពលករតាមរយៈមេខ្យល់ ដែលខ្លះរត់ពន្ធពលករដែលមិនបានចុះបញ្ជីមកពីប្រទេសជិតខាង។ ប្រភពមួយបាននិយាយថា នៅក្នុងខេត្ត Tak កាលពីថ្ងៃអាទិត្យ ទាហានមកពីអង្គភាពប្រតិបត្តិការពិសេសនៃក្រុម Naresuan Task Force និងប៉ូលិសស្រុក Mae Sot បានឆ្មក់ចូលក្នុងរមណីយដ្ឋានមួយក្នុងក្រុង Tha Sai Luat នៃ Mae Sot និងបានចាប់ខ្លួនពលករចំណាកស្រុកមីយ៉ាន់ម៉ាខុសច្បាប់ចំនួន ៣១ នាក់។ ពលករខុសច្បាប់មីយ៉ាន់ម៉ាចំនួន ៤៥នាក់ផ្សេងទៀត ត្រូវបានឃាត់ខ្លួន រួមជាមួយនឹងអ្នករត់ពន្ធ ០៥នាក់ ក្នុងការបង្រ្កាបនៅតាមបណ្តោយផ្លូវលំក្បែរព្រំដែនថៃ-មីយ៉ាន់ម៉ា ក្នុងស្រុក Muang នៃខេត្ត Prachuap Khiri Khan។ បន្ទាប់មក ពលករចំណាកស្រុកទាំងនេះ ត្រូវបានបញ្ជូនទៅកាន់អង្គភាពប៉ូលិសព្រំដែនក្នុងស្រុក ដើម្បីធ្វើតេស្តរកមេរោគកូវីដ-១៩៕ ប្រភពៈ Bangkokpost