https://www.khmertimeskh.com/ Khmer August 14, 2021

ស្រុកកំរៀង (បាត់ដំបង)៖ ពលករចំណាកស្រុកសរុបចំនួន ២៤ នាក់ក្នុងចំណោម ២៨៦ នាក់ដែលបានបោះជំរំនៅប្រទេសថៃរហូតដល់ ២ សប្តាហ៍នោះ មាន ២៤ នាក់ត្រូវបានគេធ្វើតេស្តរកឃើញមានមេរោគកូវីដ-១៩ នៅពេលពួកគេឆ្លងកាត់បុស្តិ៍ត្រួតពិនិត្យ នៅភូមិ អូរអន្លក់ កាលពីព្រឹកថ្ងៃសុក្រ។ អភិបាលខេត្តបាត់ដំបង លោក ងួន រតនៈ បានប្រាប់ខ្មែរថាមស៍ថា ពួកគេបានត្រៀមខ្លួនដើម្បីទទួលពលករចំណាកស្រុកដែលបានវិលត្រលប់មកវិញរហូតដល់ ៥០០ នាក់ ហើយរំពឹងថាចំនួនបន្ថែមទៀតនឹងមកដល់នៅព្រឹកថ្ងៃសៅរ៍នេះ។ ការធ្វើតេស្តរហ័សនៅនឹងកន្លែង នៅពេលណាដែលពួកគេឆ្លងកាត់ព្រំដែនចូលមកក្នុងទឹកដីកម្ពុជាគឺជាដំណើរការថ្មីមួយដែលបានបង្កើតឡើងដើម្បីកំណត់អត្តសញ្ញាណអ្នកវិលត្រឡប់មកវិញមានវិជ្ជមានជំងឺកូវីដ -១៩ ជាជាងបញ្ជូនពួកគេទៅមណ្ឌលចត្តាឡីស័ក និងទាក់ទងជាមួយអ្នកដទៃ។ លោកបានមានប្រសាសន៍ថា “វិធីនេះ យើងបានកាត់ផ្តាច់អ្នកមកដល់ថ្មីទាំងនេះដែលជាជនសង្ស័យខ្ពស់ផ្ទុកវីរុសបំប្លែងខ្លួនប្រភេទថ្មី Delta នៃមេរោគ SARS-CoV-2 ពីអ្នកផ្សេងទៀត ដែលទើបតែត្រូវបានដាក់ឱ្យធ្វើចត្តាឡីស័ក ក្រោយពីបានធ្វើតេស្តអវិជ្ជមាន ហើយកំពុងអនុវត្តការដាក់ឱ្យនៅដាច់ដោយឡែករយៈ ១៤ ថ្ងៃ” ។ លោកបានបន្ថែមថា សំណាកដែលយកពីករណីវិជ្ជមាននឹងត្រូវបញ្ជូនទៅភ្នំពេញដើម្បីធ្វើតេស្ត PCR និងធ្វើវិភាគកំណត់អត្តសញ្ញាណករណីវីរុសបំប្លែងខ្លួនថ្មី Delta ដោយសារមានអ្នកឆ្លងវីរុស Delta នេះ ចំនួន ៥ នាក់រួចហើយ នៅសាលាវិទ្យាល័យកំរៀង។

លោកបាននិយាយថា ពីមុនរថយន្តដឹកកងទ័ពបានមកទទួលពលករ នៅពេលពួកគេឆ្លងកាត់ព្រំដែនហើយនាំពួកគេទៅមណ្ឌលចត្តាឡីស័កដែលនៅទីនោះ ពួកគេបានរៀបចំជាកញ្ចប់ជំនួយដែលមានសម្ភារចាំបាច់ និងបញ្ជូនទៅបន្ទប់ដែលនៅទំនេរ។ “ប៉ុន្មានម៉ោងក្រោយមក ពួកគេត្រូវបានធ្វើតេស្តរកមេរោគកូវីដ-១៩។ ទោះយ៉ាងណាក៏ដោយ សាលាវិទ្យាល័យកំរៀងត្រូវបានផ្លាស់ប្តូរទៅជាមណ្ឌលព្យាបាលដែលមានលក្ខណៈពេញលេញ ហើយមណ្ឌលចត្តាឡីស័កទាំងអស់ បច្ចុប្បន្ននេះទទួលយកតែពលករចំណាកស្រុកដែលត្រូវបានធ្វើតេស្តអវិជ្ជមានតាមរយៈការធ្វើតេស្តរហ័សប៉ុណ្ណោះ។ “យើងមិនរើសអើងទេ។ ការធ្វើតេស្តនៅតែអនុវត្ត។ ភាពខុសគ្នាគឺ ឥឡូវនេះ ការធ្វើតេស្តត្រូវបានអនុវត្តភ្លាមៗលើជនចំណាកស្រុកដែលឆ្លងកាត់ព្រំដែន មុនពេលពួកគេត្រូវបានអនុញ្ញាតឱ្យធ្វើចត្តាឡីស័ក។ “ជាមួយនឹងការរីករាលដាលនៃវីរុសបំប្លែងខ្លួនថ្មី Delta និងការឆ្លងជំងឺកូវីដ-១៩ មានចំនួនខ្ពស់នៅខេត្តបាត់ដំបងនាពេលចុងក្រោយនេះ យើងមិនអាចប្រថុយនឹងការចម្លងរោគរបស់អ្នកចំណាកស្រុកត្រឡប់មកវិញបានទេ។ ដូច្នេះ ការធ្វើតេស្តទ្រង់ទ្រាយធំនៅព្រំដែន និងអ្នកដែលរកឃើញវិជ្ជមានត្រូវបានបញ្ជូនទៅមណ្ឌលព្យាបាល ហើយអាចត្រូវបានដាក់ឱ្យនៅដាច់ឆ្ងាយពីគេ នៅពេលលទ្ធផលវិភាគតេស្តពីភ្នំពេញ ជាករណីវិជ្ជមានប្រភេទវីរុសបំប្លែងខ្លួនថ្មី Delata”។