https://khmernote.com.kh/ July 29, 2021 Khmernote Media

រដ្ឋបាលខេត្តឧត្តរមានជ័យ នាថ្ងៃទី២៨ ខែកក្កដា ឆ្នាំ២០២១នេះ បានរកឃើញអ្នកជំងឺកូវីដ១៩ ចំនួន២០១ករណីបន្ថែមទៀត តាមរយៈការធ្វើតេស្តរហ័ស (Rapid Test) ខណៈព្យាបាលជាសះស្បើយចំនួន១៣នាក់។បើតាមសេចក្តីប្រកាសព័ត៌មានរបស់រដ្ឋបាលខេត្តឧត្តរមានជ័យ បានបញ្ជាក់ថា ក្នុងចំណោមអ្នកជំងឺកូវីដទាំង ២០១នាក់ ក្នុងនោះមានអ្នកជំងឺចំនួន ១២នាក់ ជាពលករកំពុងធ្វើចត្តាឡីស័ក និងចំនួន១៦៩នាក់ទៀត ជាពលករទើបមកពីប្រទេសថៃ តាមច្រកអន្តរជាតិអូរស្មាច់ និងចំនួន ២០នាក់ទៀត ក្នុងព្រឹត្តិការណ៍សហគមន៍ ២០ កុម្ភៈ។

សូមបញ្ជាក់ថា គិតត្រឹមថ្ងៃទី២៨ ខែកក្កដានេះ ខេត្តឧត្តរមានជ័យបានរកឃើញជំងឺកូវីដ១៩ ចំនួន ៤,៥៦៥ករណី ក្នុងនោះករណីនាំចូលពីបរទេសចំនួន ៤,២៤៩ករណី និងករណីឆ្លងក្នុងសហគមន៍ ២០ កុម្ភៈ ចំនួន៣១៦ ករណី បានព្យាបាលជាសះស្បើយចំនួន ៧២៤ នាក់ កំពុងសម្រាកព្យាបាលចំនួន ៣,៨៣៣នាក់ និងស្លាប់បាត់បង់ជីវិត ៨នាក់ផងដែរ៕