https://www.khmertimeskh.com/501185292//?p=1185292 Khmer Times November 15, 2022

លោក Li Keqiang នាយករដ្ឋមន្ត្រីចិន និងនាយករដ្ឋមន្ត្រីកម្ពុជា លោក ហ៊ុន សែន បានព្រមព្រៀងគ្នាក្នុងការពង្រឹងទំនាក់ទំនង និងបន្តបង្ក្រាបការក្លែងបន្លំតាមប្រព័ន្ធទូរគមនាគមន៍ ក៏ដូចជាល្បែងស៊ីសង និងបោកប្រាស់តាមប្រព័ន្ធអ៊ីនធឺណិត។

យោងតាមសេចក្តីថ្លែងការណ៍រួមដែលបានចេញផ្សាយលើប្រធានបទនេះ ប្រទេសទាំងពីរបានឯកភាពអនុវត្តច្បាប់របស់ពួកគេក្នុងការសហការប្រឆាំងនឹងការជួញដូរមនុស្ស ក៏ដូចជាការក្លែងបន្លំតាមប្រព័ន្ធទូរគមនាគមន៍ និងការលេងល្បែងស៊ីសងខុសច្បាប់ និងឧក្រិដ្ឋកម្មផ្សេងៗទៀត។ “កិច្ចសហប្រតិបត្តិការលើការអនុវត្តច្បាប់ គឺត្រូវបានពង្រឹងបន្ថែមទៀតជាមួយនឹងចំណុចសំខាន់ៗលើការប្រយុទ្ធប្រឆាំងនឹងការជួញដូរមនុស្ស ល្បែងអនឡាញ ការក្លែងបន្លំតាមប្រព័ន្ធទូរគមនាគមន៍ និងឧក្រិដ្ឋកម្មដែលពាក់ព័ន្ធ សម្របសម្រួលដោយកិច្ចសហប្រតិបត្តិការជិតស្និទ្ធក្នុងការកសាងសមត្ថភាព និងការផ្លាស់ប្តូរព័ត៌មាន”។ កម្ពុជាក៏បានឯកភាពគាំទ្រកិច្ចសហប្រតិបត្តិការជាមួយប្រទេសចិនក្នុងការផ្លាស់ប្តូរវប្បធម៌ នឹងបន្តសហការជាមួយប្រទេសចិនដើម្បី “រក្សាការផ្លាស់ប្តូររវាងអង្គការ និងស្ថាប័នយុវជន”។ កម្ពុជាបានពន្យល់ថា ខ្លួនក៏នឹងគាំទ្រគោលនយោបាយចិនតែមួយ និងប្តេជ្ញាប្រយុទ្ធប្រឆាំងរាល់សកម្មភាពដែលបំផ្លាញបូរណភាពទឹកដី និងអធិបតេយ្យភាពរបស់ប្រទេស។ នៅតែបន្តប្រយុទ្ធប្រឆាំងនឹងការលេងល្បែងស៊ីសងខុសច្បាប់ ប្រទេសកម្ពុជាកាលពីខែមុនបានដាក់ចេញគោលការណ៍ណែនាំថ្មីសម្រាប់ប្រតិបត្តិករកាស៊ីណូ និងល្បែងស៊ីសង។ អគ្គលេខាធិការដ្ឋាននៃគណៈកម្មការគ្រប់គ្រងការលេងល្បែងពាណិជ្ជកម្ម (CGMC) របស់ប្រទេសនេះបានចេញផ្សាយគោលការណ៍ណែនាំថ្មីដែលសម្របសម្រួលប្រតិបត្តិការ និងការយកពន្ធរបស់ប្រតិបត្តិករ។ ច្បាប់ថ្មីធានាថា ប្រតិបត្តិករល្បែងស៊ីសងដែលផ្តល់សេវាកម្មរបស់ពួកគេត្រូវបានផ្តល់អាជ្ញាប័ណ្ណ។ ដូច្នេះ ប្រតិបត្តិករល្បែងស៊ីសងទាំងអស់នឹងត្រូវស្នើសុំអាជ្ញាប័ណ្ណឡើងវិញនៅចុងឆ្នាំ។ បន្ទាប់ពីដំណើរការនោះត្រូវបានបញ្ចប់ កម្ពុជានឹងផ្តោតលើការបង្ក្រាបលើប្រតិបត្តិករដែលគ្មានអាជ្ញាប័ណ្ណ។

CGMC បានពន្យល់ថា “ប្រតិបត្តិករកាស៊ីណូ ឬម្ចាស់ត្រូវបង្ហាញអាជ្ញាប័ណ្ណ ឬវិញ្ញាបនបត្របង្ហាញពីភាពស្របច្បាប់នៃទីតាំងអាជីវកម្មរបស់ពួកគេ” ។ ការលុបបំបាត់ការក្លែងបន្លំពាក់ព័ន្ធនឹងការលេងល្បែងស៊ីសង និងប្រតិបត្តិករដែលគ្មានអាជ្ញាប័ណ្ណ ក៏នឹងជួយដល់ប្រទេសកម្ពុជាក្នុងកិច្ចខិតខំប្រឹងប្រែងរបស់ខ្លួនក្នុងលុបចេញពីបញ្ជីពណ៌ប្រផេះលាងលុយកខ្វក់របស់ក្រុមការងារសកម្មភាពហិរញ្ញវត្ថុផងដែរ។ គោលដៅសំខាន់ឆ្ពោះទៅរកសមិទ្ធផលនេះគឺការបង្រ្កាបទីតាំងល្បែងស៊ីសងខុសច្បាប់របស់ប្រទេស។ ជាមួយគ្នានេះដែរ ក្នុងកិច្ចខិតខំប្រឹងប្រែងដើម្បីបោសសម្អាតទីផ្សារបន្ថែមទៀតពីប្រតិបត្តិករល្បែងស៊ីសងខុសច្បាប់ ប្រទេសនេះបានប្រកាសថាខ្លួននឹងសហការជាមួយប្រទេសផ្សេងទៀតផងដែរ។ ទោះបីជាមានវឌ្ឍនភាពក៏ដោយ កម្ពុជានៅតែបន្តកិច្ចខិតខំប្រឹងប្រែង ដូចជាការបើកការស៊ើបអង្កេតស៊ីជម្រៅ និងការពង្រឹងបន្ថែមទៀតនូវកិច្ចខិតខំប្រឹងប្រែងប្រឆាំងការលាងលុយកខ្វក់។

អាជ្ញាធរកម្ពុជា ដែលជាសមាជិកសំខាន់នៃក្រុមការងារ ដែលទទួលបន្ទុកបង្ក្រាប និងដោះលែងជនបរទេសរាប់រយនាក់ ដែលត្រូវបានចាញ់បោកអោយមកធ្វើសកម្មភាពល្បែងស៊ីសងខុសច្បាប់នៅកម្ពុជា បាននិយាយថា ចាំបាច់ត្រូវមានសកម្មភាពបន្ថែមទៀតពីប្រទេសដែលមានជនជាតិខ្លួនមកធ្វើការនៅកម្ពុជា។ “សូមតាមដានអ្នកដើបោកប្រាស់ ដែលសន្យាផ្តល់ប្រាក់ខែដ៏ច្រើន និងពិនិត្យមើលជាមួយស្ថានទូតកម្ពុជាក្នុងប្រទេសរៀងៗខ្លួន ហើយផ្សព្វផ្សាយពីបញ្ហានេះអោយបានច្រើននៅក្នុងបណ្តាញសង្គម។

មន្រ្តីម្នាក់ ដែលសុំមិនបញ្ចេញអត្តសញ្ញាណបានប្រាប់កាសែតខ្មែរថាមស៍“ក្រុមហ៊ុនប្រកបដោយទំនួលខុសត្រូវក្នុងប្រទេសកម្ពុជា សូម្បីតែក្រុមហ៊ុន MNC ដែលជាកម្មសិទ្ធិរបស់បរទេសក៏ប្រឈមនឹងការលំបាកក្នុងការជួលបុគ្គលិក ដោយសារតែប្រតិបត្តិការបោកប្រាស់។ ហេតុនេះហើយ ការចាប់ខ្លួនជនខិលខូចទាំងនេះ ពេលពួកគេមកដល់កម្ពុជា មិនងាយនឹងតាមចាប់បានទេ លុះត្រាតែមានភស្តុតាងច្បាស់លាស់»៕ Gambling News/Khmer Times