https://www.khmertimeskh.com/ July 15, 2022

នៅក្នុងការចរចារដើម្បីបន្ធូរបន្ថយការកង្វះខាត គណៈរដ្ឋមន្ត្រីកាលពីសប្តាហ៍មុន បានអនុម័តផែនការគ្រប់គ្រងពលករ រួមទាំងការអនុញ្ញាតឱ្យពលករដែលមានឯកសារពីប្រទេសកម្ពុជា ឡាវ និង មីយ៉ាន់ម៉ាស្នាក់នៅរហូតដល់ថ្ងៃទី១៣ ខែកុម្ភៈ ឆ្នាំ២០២៥។ លោក ផៃរ៉ូត (Pairoj) បាននិយាយថា ប្រទេសថៃក៏នឹងអនុញ្ញាតឱ្យពលករខុសច្បាប់ពីកម្ពុជា ឡាវ មីយ៉ាន់ម៉ា និងវៀតណាម ចុះឈ្មោះ និងធ្វើការរហូតដល់ខែកុម្ភៈ ឆ្នាំ២០២៥។ លោក Pairoj Chotikasathien អគ្គនាយកនៃនាយកដ្ឋានការងារបាននិយាយថា ជំងឺរាតត្បាតបានបណ្តាលឱ្យមានការពន្យារពេលក្នុងការនាំចូលពលករបរទេសពីប្រទេសកម្ពុជា ឡាវ និងវៀតណាម។ លោកបានបន្តថាជាមួយនឹងផែនការពលករដែលបានធ្វើឱ្យប្រសើរឡើង និងការមកដល់របស់ពលករបន្ថែមទៀត ប្រទេសថៃអាចនឹងឃើញពលករចំណាកស្រុកជិត៣លាននាក់នៅដំណាច់ឆ្នាំនេះ។

យោងតាមសភាពាណិជ្ជកម្មថៃ បានឱ្យដឹងថា គេត្រូវការពលករបរទេសបន្ថែមជាង ៥០០,០០០ នាក់ ដើម្បីគាំទ្រដល់ការកែច្នៃផលិតផលកសិកម្ម និងឧស្សាហកម្មម្ហូបអាហារសម្រាប់ការនាំចេញ សំណង់ ទេសចរណ៍ និងសេវាកម្ម។ យោងតាមលោក Poj Aramwattananont អនុប្រធានសភាពាណិជ្ជកម្មបានអោយដឹងថា ឥឡូវនេះរដ្ឋាភិបាលបានលុបចោលការរឹតបន្តឹងការធ្វើដំណើរ និងអាជីវកម្មដែលទាក់ទងនឹងកូវីដ ស្ទើរតែទាំងស្រុង ដើម្បីពន្លឿនការស្តារសេដ្ឋកិច្ចឡើងវិញ និងតម្រូវការពលករដែលកំពុងកើនឡើង។ លោក Poj បាននិយាយថា “ពលករត្រូវបានចាត់ទុកថាជាម៉ាស៊ីនដ៏សំខាន់ក្នុងការជំរុញសេដ្ឋកិច្ចទាំងមូលរបស់ប្រទេសថៃពីឧស្សាហកម្មតម្រង់ទិសនាំចេញ ការផលិត ការកែច្នៃ និងសំណង់ រហូតដល់វិស័យទេសចរណ៍ និងវិស័យសេវាកម្ម”។ នេះត្រូវបានគេចាត់ទុកថាជាបញ្ហាធ្ងន់ធ្ងរ ដោយសារប្រទេសថៃត្រូវការពលករបរទេសយ៉ាងខ្លាំងដើម្បីជួយស្តារសេដ្ឋកិច្ចដែលរងការរាតត្បាតដោយជំងឺកូវីដ-១៩។ ឥឡូវនេះយើងមានគម្រោងហេដ្ឋារចនាសម្ព័ន្ធសំខាន់ៗជាច្រើនក្នុងការងារសំណង់នៃបំពង់បង្ហូរ ហើយយើងក៏មានវិស័យទេសចរណ៍ និងការងារសេវាកម្មជាច្រើនផងដែរ ដែលត្រូវបំពេញ បន្ទាប់ពីរដ្ឋាភិបាលបានប្រកាសថានឹងបើកប្រទេសឡើងវិញយ៉ាងពេញលេញដល់ភ្ញៀវទេសចរអន្តរជាតិ»។ ប៉ុន្តែបន្ទាប់ពីការបើកដំណើរការឡើងវិញរបស់ប្រទេសថៃ និងការបន្ធូរបន្ថយការផ្ទុះរាលដាល ការនាំចូលពលករបរទេសពីប្រទេសទាំងបីនេះទំនងជាមានភាពងាយស្រួលជាងមុន ជាពិសេសពីប្រទេសមីយ៉ាន់ម៉ា ដែលកម្មករចំនួន ១០០,០០០ នាក់ ត្រូវបានគេរំពឹងថានឹងត្រឡប់ទៅប្រទេសថៃវិញនៅចុងឆ្នាំនេះ។

លោក Pairoj បានមានប្រសាសន៍ថា “តាមដែលអាជ្ញាធរទទួលខុសត្រូវបានពិភាក្សារឿងនេះជាមួយប្រតិបត្តិករធុរកិច្ចថៃ ដែលធុរកិច្ចថៃទាមទារឲ្យមានការនាំចូលពលករបរទេសប្រមាណ ២៧៧,០០០ នាក់ ប៉ុន្តែមកដល់ពេលនេះមានតែប្រមាណ ២ ម៉ឺននាក់ប៉ុណ្ណោះដែលបានមកដល់”។ លោក Pairoj បានមានប្រសាសន៍ថា នៅក្រោមកាលៈទេសៈធម្មតា សេដ្ឋកិច្ចរបស់ប្រទេសថៃទាមទារពលករបរទេសប្រហែល៣ លាននាក់ ប៉ុន្តែនាពេលបច្ចុប្បន្ននេះមានពលករចំណាកស្រុកដែលមានឯកសារចំនួនប្រហែល ២,៥ លាននាក់នៅក្នុងប្រទេស។