https://www.khmertimeskh.com/ Khmer Times July 16, 2022

នគរបាលខេត្ត Quang Nam បានឃាត់ខ្លួនបុរសក្នុងស្រុកម្នាក់ ខណៈដែលពួកគេកំពុងស៊ើបអង្កេតលើការចោទប្រកាន់ថា គាត់បានបញ្ជូនមនុស្សមកធ្វើការនៅប្រទេសកម្ពុជា ដោយខុសច្បាប់ក្នុងតម្លៃមេខ្យល់ជាង ២០០ ដុល្លារក្នុងមួយលើកៗ។ Truong Cong Duy អាយុ៣០ ឆ្នាំ មកពីឃុំ Que Chau ស្រុក Que Son ត្រូវបានចាប់ខ្លួនកាលពីថ្ងៃអង្គារ ដើម្បីសួរចម្លើយពាក់ព័ន្ធនឹងការធ្វើមេខ្យល់ខុសច្បាប់ចេញពីប្រទេសវៀតណាម។ ក្នុងរយៈពេលប៉ុន្មានឆ្នាំចុងក្រោយនេះ យុវជនជាច្រើននៅខេត្ត Quang Nam បានធ្លាក់ខ្លួនជាជនរងគ្រោះ ដោយការផ្សាយពាណិជ្ជកម្មមិនពិតតាមប្រព័ន្ធផ្សព្វផ្សាយសង្គម ហើយត្រូវបានដឹកជញ្ជូនឆ្លងកាត់ព្រំដែនកម្ពុជាដោយរំពឹងទទួលបានការងារដែលកំពុងរង់ចាំពួកគេ។ យោងតាមនគរបាលមូលដ្ឋានបានឲ្យដឹងថា បន្ទាប់ពីត្រូវបានគេជួញដូរមកប្រទេសកម្ពុជា មនុស្សជាច្រើននាក់នេះត្រូវបានបង្ខំឲ្យធ្វើការដោយកម្លាំង ហើយរកឃើញថាខ្លួនមិនអាចរត់គេចខ្លួនបាន។ កាលពីដើមខែមេសា Duy បានផ្តល់ការងារដែលមានប្រាក់ខែខ្ពស់នៅកម្ពុជាដល់បុរសពីរនាក់ទៀតមកពីឃុំជាមួយគ្នា ដោយសន្យាថាពួកគេនឹងធ្វើការនៅក្រុមហ៊ុនដែលគ្រប់គ្រងដោយស្ត្រីវៀតណាម។ ជនរងគ្រោះត្រូវបានចាប់ជាឈ្លើយជាមួយនឹងជនជាតិវៀតណាមជាច្រើននាក់ទៀត។ ជារៀងរាល់ថ្ងៃ ជនរងគ្រោះដែលត្រូវបានជួញដូរត្រូវបានបង្ខំឱ្យធ្វើពលកម្មយ៉ាងធ្ងន់ធ្ងរអស់រយៈពេលប្រហែល ១២ ម៉ោង ហើយត្រូវបានអ្នកគ្រប់គ្រងធ្វើបាបរាងកាយ។ អ្នកខ្លះថែមទាំងត្រូវឲ្យក្រុមគ្រួសារបង់ថ្លៃលោះប្រសិនបើពួកគេចង់ត្រឡប់ទៅផ្ទះវិញ។ Duy ត្រូវបានបង់ប្រហែល ៥ លានដុង (២១៣ ដុល្លារ) សម្រាប់ជនរងគ្រោះដែលត្រូវបានជួញដូរម្នាក់ៗ។ ចាប់តាំងពីដើមឆ្នាំនេះ Duy បានបញ្ជូនមនុស្ស ៧ នាក់មកកម្ពុជា៕ Tuoi Tre