https://www.khmertimeskh.com/ Khmer Times July 21, 2022

នគរបាលកំពុងបន្តស៊ើបអង្កេតលើករណីជនជាតិសារ៉ាវ៉ាគីទាំង៦នាក់ ដែលជាប់ក្នុងប្រទេសកម្ពុជាបន្ទាប់ពីត្រូវបានគេបោកបញ្ឆោតឱ្យធ្វើការឱ្យក្រុមឧក្រិដ្ឋកម្មនៅទីនោះ។ យោងតាមស្នងការនគរបាល Sarawak លោក Datuk Mohd Azman Ahmad Sapri បានអោយដឹងថា ការស៊ើបអង្កេតនៅតែត្រូវបានអនុវត្តដោយក្រុមរបស់គាត់ដោយមានជំនួយពីស្នងការនគរបាល Bukit Aman ។ «យើងកំពុងរង់ចាំការវិវឌ្ឍបន្ថែមទៀតព្រោះពីមុនមានរបាយការណ៍ថា ជនជាតិម៉ាឡេស៊ីដែលជាប់គាំងនៅទីនោះ(កម្ពុជា)រួមទាំងជនជាតិសារ៉ាវ៉ាគីម្នាក់ (Sarawakian) បានត្រឡប់ទៅម៉ាឡេស៊ីវិញ។

គាត់បានប្រាប់អ្នកយកព័ត៌មានបន្ទាប់ពីចូលរួមសន្និបាតប្រចាំខែរបស់ទីស្នាក់ការកណ្តាល (IPK) របស់នគរបាល Sarawak កាលពីម្សិលមិញថា “នៅក្នុងការបញ្ជាក់នេះ ខ្ញុំសង្ឃឹមថា មនុស្សគ្រប់គ្នានឹងតែងតែប្រុងប្រយ័ត្នក្នុងការរកមើលការផ្សាយពាណិជ្ជកម្មអំពីការងារដែលផ្តល់ប្រាក់ខែខ្ពស់ ភាគច្រើននៃការផ្តល់ជូនបែបនេះគឺមិនមានទេ” ។ នៅក្នុងសន្និសិទសារព័ត៌មានមួយដែលត្រូវបានហៅនៅថ្ងៃទី២៥ ខែមេសាឆ្នាំនេះត្រូវបានប្រកាសថានគរបាលភូមិន្ទម៉ាឡេស៊ី (PDRM) នឹងស្វែងរកជំនួយពីនគរបាលអន្តរជាតិ (Interpol) ក្នុងការតាមដាន ជនជាតិសារ៉ាវ៉ាគីទាំងប្រាំមួយនាក់នោះ។ នៅក្នុងសន្និសីទសារព័ត៌មាននោះ លោក Mohd Azman បាននិយាយថា នាយកដ្ឋានស៊ើបអង្កេតឧក្រិដ្ឋកម្មពាណិជ្ជកម្ម (CCID) Sarawak បានបើកឯកសារស៊ើបអង្កេតចំនួនពីរក្រោមផ្នែកទី៤២០ នៃក្រមព្រហ្មទណ្ឌ។

លោកត្រូវបានដកស្រង់សម្តីដែលបាននិយាយនៅពេលនោះថា “យើងបានទទួលរបាយការណ៍នគរបាលចំនួនប្រាំមួយនៅចន្លោះថ្ងៃទី២០ និង២២ ខែមេសា ឆ្នាំ២០២២ ពីសមាជិកគ្រួសាររបស់ជនរងគ្រោះដែលត្រូវបានគេនិយាយថាត្រូវបានគេបោកប្រាស់ឱ្យមកធ្វើការនៅក្នុងប្រទេសកម្ពុជា” ។ កាលពីពេលថ្មីៗនេះ Bernama បានរាយការណ៍ពីឯកអគ្គរដ្ឋទូតម៉ាឡេស៊ីប្រចាំកម្ពុជា លោក Eldeen Husaini Mohd Hashim ថាមានករណីជាង៦០ ដែលពាក់ព័ន្ធនឹងជនជាតិម៉ាឡេស៊ីដែលធ្លាក់ខ្លួនធ្វើជាទាសករពីការបោកប្រាស់ការងារ ដែលទាំងអស់កំពុងរង់ចាំសកម្មភាពបន្ថែមទៀត។ Eldeen ក៏ត្រូវបានដកស្រង់សម្តីផងដែរថា រហូតមកដល់ពេលនេះ ស្ថានទូតម៉ាឡេស៊ីប្រចាំទីក្រុងភ្នំពេញ បានជួយសង្គ្រោះជនជាតិម៉ាឡេស៊ីចំនួន ៤៦ នាក់នៅកម្ពុជា ដែលគេជឿថាត្រូវបានបោកបញ្ឆោតដោយការផ្តល់ជូនការងារដែលមានប្រាក់កម្រៃខ្ពស់នៅក្រៅប្រទេស។

ករណីថ្មីបំផុតពាក់ព័ន្ធនឹងជនជាតិម៉ាឡេស៊ី ៤នាក់ ដែលមានអាយុចន្លោះពី២៩ ទៅ៤១ ឆ្នាំ។ ទោះបីជាយ៉ាងណាក៏ដោយ ពួកគេបានត្រៀមត្រឡប់ទៅផ្ទះវិញ ដោយមកដល់អាកាសយានដ្ឋានអន្តរជាតិគូឡាឡាំពួរកាលពីថ្ងៃទី៩ ខែកក្កដា។ ក្នុងឆ្នាំ២០១៩ ជនជាតិម៉ាឡេស៊ីចំនួន៤៧ នាក់ ដែលភាគច្រើនមកពីរដ្ឋ Sarawak ត្រូវបានអាជ្ញាធរកម្ពុជាឃាត់ខ្លួនដោយសង្ស័យថាមានជាប់ពាក់ព័ន្ធក្នុងសកម្មភាពខុសច្បាប់នៅក្នុងខេត្តបន្ទាយមានជ័យ។

ជនជាតិម៉ាឡេស៊ីបានអះអាងថា ពួកគេត្រូវបានសន្យាថានឹងធ្វើការជាមួយនឹងប្រាក់កម្រៃរហូតដល់ ១,៥០០ បន្ទាប់មកទើបដឹងថា វាជាការបោកប្រាស់នៅពេលពួកគេមកដល់ប្រទេសកម្ពុជា។ ខណៈពេលដែលប្រព័ន្ធផ្សព្វផ្សាយម៉ាឡេស៊ី និងកម្ពុជាផ្តោតលើ “ជនរងគ្រោះនៃការបោកប្រាស់ការងារ” នោះ ខ្មែរថាមស៍ បានដឹងពីប្រភពដែលអាចទុកចិត្តបានថា ក្រុមនេះពិតជាមានចំណេះដឹងពីមុនអំពីប្រតិបត្តិការ និងកំពុងកាន់កាប់ផ្ទះដែលត្រូវបានរចនាឡើងដើម្បីជួយសម្រួលដល់អ្នកបោកប្រាស់ដើម្បីដំណើរការការឆបោកតាមទូរស័ព្ទ VoIP ដែលគេស្គាល់ថាជាក្រុមបោកប្រាស់ម៉ាកាវ៕ Borneo Post/Khmer Times