ជនរងគ្រោះវៀតណាមចំនួន២៥នាក់ ដែលត្រូវបានគេបោកឱ្យមកធ្វើការខុសច្បាប់នៅកម្ពុជា ត្រូវបានធ្វើមាតុភូមិនិវត្តន៍
https://www.khmertimeskh.com/ August 28, 2022
ក្រសួងការបរទេសបាននិយាយកាលពីថ្ងៃព្រហស្បតិ៍ថា កម្ពុជាបានបញ្ចប់នីតិវិធីសម្រាប់ពលរដ្ឋវៀតណាម ២៥នាក់ ដែលត្រូវបានគេបោកប្រាស់ឱ្យមកធ្វើជាកម្មករនៅក្នុងប្រទេស ឱ្យត្រឡប់ទៅប្រទេសវៀតណាមវិញ។ ក្នុងចំណោមអ្នកទាំង ២៥នាក់នោះ ១១នាក់ត្រូវបានបោកបញ្ឆោតឱ្យមកធ្វើការនៅកាស៊ីណូ Golden Phoenix Entertainment ក្នុងខេត្តកណ្តាល របស់កម្ពុជា រួមទាំងមនុស្សម្នាក់ដែលត្រូវបានចាប់ខ្លួន ខណៈពេលដែលព្យាយាមរត់គេចកាលពីសប្តាហ៍មុន នេះបើតាមអ្នកនាំពាក្យក្រសួងការបរទេសលោកស្រី Le Thi Thu Hang បាននិយាយនៅក្នុងសន្និសីទសារព័ត៌មានមួយ។ អ្នកស្រីបន្តថា អាជ្ញាធរវៀតណាមកំពុងផ្ទៀងផ្ទាត់ព័ត៌មាន និងចាត់វិធានការការពារពលរដ្ឋដើម្បីឲ្យពលរដ្ឋទាំង ២៥នាក់ត្រូវបានធ្វើមាតុភូមិនិវត្តន៍។ លោកស្រីបានបន្ថែមថា៖ «ពលរដ្ឋទាំងអស់មានសុខភាពធម្មតា ហើយត្រូវបានធ្វើតេស្តរកសារធាតុញៀន អវិជ្ជមាន»។ លោកស្រី Hang បាននិយាយថា ក្រសួងបានស្នើឱ្យកម្ពុជាស៊ើបអង្កេតបញ្ហានេះ និងបង្កើនការត្រួតពិនិត្យលើកន្លែងនានា ជាពិសេសកន្លែងកម្សាន្ត ដើម្បីស្វែងរក និងទប់ស្កាត់ការកេងប្រវ័ញ្ចលើពលករបរទេស រួមទាំងជនជាតិវៀតណាមផងដែរ។
កាលពីថ្ងៃទី១៨ ខែសីហា ឆ្មាំព្រំដែនខេត្ត An Giang ប្រទេសវៀតណាម ដែលជាប់ព្រំដែនចិន បានឃាត់ខ្លួនមនុស្ស ៤០នាក់ ដែលលួចចូលវៀតណាមដោយខុសច្បាប់ បន្ទាប់ពីហែលទឹកឆ្លងទន្លេ Binh Di ដើម្បីគេចចេញពីកាស៊ីណូ Phoenix ក្នុងប្រទេសកម្ពុជា។ ម្នាក់ក្នុងចំណោម២នាក់ផ្សេងទៀត ដែលបានព្យាយាមរត់គេចខ្លួនផងដែរ ពោលគឺក្មេងប្រុសជំទង់ម្នាក់ បានលង់ទឹកទន្លេ ចំណែកម្នាក់ទៀតត្រូវបានមនុស្សកាស៊ីណូចាប់បានវិញ។ជនជាតិវៀតណាមបាននិយាយថា ពួកគេត្រូវបានគេឃុំខ្លួននៅកាស៊ីណូប្រឆាំងនឹងឆន្ទៈរបស់ពួកគេ និងទទួលរងការធ្វើទារុណកម្ម។ មកទល់ពេលនេះ អាជ្ញាធរបានជួយសង្គ្រោះពលរដ្ឋវៀតណាមជាង ៥០០នាក់ និងជួយមនុស្សរាប់ពាន់នាក់ទៀតនៅកម្ពុជាជាមួយនឹងនីតិវិធីក្នុងការវិលត្រឡប់មកវិញ។
ក្នុងឆមាសទី១ឆ្នាំនេះ ក្រសួងសន្តិសុខសាធារណៈបានបង្ក្រាបបណ្តាញជាច្រើនដែលរត់ពន្ធមនុស្សមកកម្ពុជាដើម្បីធ្វើការខុសច្បាប់។ នាយឧត្តមសេនីយ៍ កែវ វ៉ាន់ថន អ្នកនាំពាក្យនាយកដ្ឋានអន្តោប្រវេសន៍កម្ពុជា បានប្រាប់សារព័ត៌មានក្នុងស្រុកកាលពីថ្ងៃច័ន្ទថា លោកបានដឹកនាំក្រុមទៅកាស៊ីណូ និងបានឃាត់ខ្លួនអ្នកគ្រប់គ្រងជនជាតិចិនម្នាក់ ដើម្បីសាកសួរ។ លោកបានបន្តថា អ្នកគ្រប់គ្រងរូបនេះបានទទួលស្គាល់ថាបានប្រើការអនុវត្ត«ពលកម្មដោយបង្ខំ»។ VnExpress