https://www.khmertimeskh.com/501317059/ June 30, 2023

អ្នកជំនាញផ្នែកសូហ្វវែរមកពីទីក្រុង Hyderabad បានធ្លាក់ជានុយទៅក្នុងទីផ្សារការងារក្នុងប្រទេសកម្ពុជា។ គាត់ត្រូវបាននិយោជកក្លែងបន្លំនៅរាជធានីភ្នំពេញចោទថា គាត់បានបោកប្រាក់ចំណូលរបស់គាត់។

Mohammed Ismail Ullah មកពីតំបន់ Nagula Banda ក្នុង Falaknuma មិនអាចរកឃើញជនជាតិឥណ្ឌាម្នាក់ទៀត ដែលគ្រួសាររបស់គាត់បានផ្ញើប្រាក់ចំនួន ៥០,០០០រូពី ដើម្បីរ៉ាប់រងការចំណាយលើការធ្វើដំណើររបស់គាត់ និងដើម្បីដោះស្រាយការផាកពិន័យសម្រាប់ការស្នាក់នៅហួសពេលវេលារបស់គាត់នៅក្នុងប្រទេសកម្ពុជា។ លោក Amjed Ullah Khan អ្នកដឹកនាំការងារសង្គម និងចលនា MBT (Save Majlis Movement) បាននិយាយថា គ្រួសាររបស់គាត់ត្រូវបានគេប្រាប់ឱ្យដាក់ប្រាក់ក្នុងគណនីជនជាតិឥណ្ឌានៅភ្នំពេញដោយមានជំនឿថាគាត់នឹងជួយ Ismail ។ «បន្ទាប់ពីបានផ្ញើប្រាក់រួច ជននោះបានបិទទូរស័ព្ទរបស់ខ្លួន និងមិនអាចទាក់ទងបាន។ Ismail មិនអាចរកគាត់ឃើញទេរហូតមកដល់ពេលនេះ ហើយគាត់ក៏មិនដឹងពីវិធីយកលុយដែលបាត់នោះមកវិញដែរ»។

Ismail បានបញ្ចប់វគ្គសិក្សាសញ្ញាប័ត្រនៅប្រទេសសិង្ហបុរី ហើយត្រូវបានផ្តល់ការងារនៅក្នុងប្រទេសកម្ពុជាដោយភ្នាក់ងាររកការងារឥណ្ឌា។ Ismail ដែលបានត្រលប់ទៅ Hyderabad បានទទួលយកការផ្តល់ជូនការងារ។ លោកបានចុះចតនៅទីក្រុងបាងកកកាលពីថ្ងៃទី៧ ខែមេសា ហើយពីទីនោះត្រូវបានភ្នាក់ងារនាំមកកម្ពុជាតាមផ្លូវគោក។ នៅពេលដែល Ismail ដឹងថាក្រុមហ៊ុនដែលគាត់ចូលរួមធ្វើការនោះពិតជាកំពុងធ្វើអាជីវកម្មអនឡាញក្លែងបន្លំ គាត់បដិសេធមិនធ្វើការឱ្យ។ ជាលទ្ធផល និយោជករបស់គាត់បានធ្វើទារុណកម្មរាងកាយ និងទាមទារសំណងចំនួន ៣,៦៥០រូពី (ប្រហែល៣,៦៥០ដុល្លារ) ដើម្បីអនុញ្ញាតឱ្យគាត់ត្រលប់ទៅ Hyderabad វិញ។ Ismail បានបង្ហាញពីអសមត្ថភាពរបស់គាត់ក្នុងការបង់ប្រាក់ ហើយត្រូវបានក្រុមហ៊ុនអនុញ្ញាតឱ្យចាកចេញ។ គ្រួសាររបស់ Ismail បាននិយាយថា គាត់បានបង់ប្រាក់ចំនួន ១០០,០០០រូពី (១,២២០ដុល្លារ) ដល់ភ្នាក់ងារដែលបានសន្យាគាត់នូវការងារប្រតិបត្តិករបញ្ចូលទិន្នន័យរួចហើយ។ Ismail បានស្វែងរកស្ថានទូតឥណ្ឌានៅភ្នំពេញដើម្បីសុំជំនួយ។

ស្ថានទូតបានជូនដំណឹងដល់អគ្គនាយកដ្ឋានអន្តោប្រវេសន៍ និងក្រសួងមហាផ្ទៃកម្ពុជាថា ចាប់តាំងពីលោក Ismail បានបាត់លិខិតឆ្លងដែន លោកត្រូវបានចេញលិខិតឆ្លងដែនបន្ទាន់ដើម្បីហោះហើរត្រឡប់ទៅទីក្រុង Hyderabad វិញ។ Time of India