https://www.khmertimeskh.com/501337710//?p=1337710 August 6, 2023

មន្ត្រីអន្តោប្រវេសន៍កាលពីថ្ងៃសៅរ៍បានប្រមូលផ្តុំជនអន្តោប្រវេសន៍ខុសច្បាប់ចំនួន ៤២៥នាក់ ដែលស្នាក់នៅជុំគ្នានៅក្នុងបន្ទប់ជាច្រើននៃប្លុកអាផាតមិនក្នុងក្រុង Cheras ដោយអ្នកខ្លះលាក់ខ្លួនក្នុងទូរ និងក្នុងធុងសំរាម។ ប្រធាននាយកដ្ឋានអន្តោប្រវេសន៍ទីក្រុងគូឡាឡាំពួ លោក Syamsul Badrin Mohshin បាននិយាយថា ការឆ្មក់ចូលក្នុងអគារ Cheria Heights Apartments ត្រូវបានអនុវត្តបន្ទាប់ពីការស៊ើបអង្កេត និងការឃ្លាំមើលអស់រយៈពេលពីរសប្តាហ៍ បន្ទាប់ពីមានបណ្តឹងពីសាធារណជន ដែលបាននិយាយថា ជនបរទេសនៅក្នុងតំបន់នេះមានចំនួនច្រើនលើសលុប និងបង្កបញ្ហាសង្គមផ្សេងៗ។

«ក្នុងប្រតិបត្តិការដែលធ្វើឡើងដោយមន្ត្រីអន្តោប្រវេសន៍ និងកម្លាំងចំនួន ៦០នាក់ ចាប់ផ្តើមពីម៉ោង ១ ទៀបភ្លឺ និងបញ្ចប់នៅម៉ោង ៤ ព្រឹកនេះ ដោយជនអន្តោប្រវេសន៍ខុសច្បាប់សរុបចំនួន ៤២៥ នាក់ត្រូវបានចាប់ខ្លួន ដោយសារមិនមានឯកសារអត្តសញ្ញាណត្រឹមត្រូវ ស្នាក់នៅ ឬប័ណ្ណការងារបណ្តោះអាសន្ន លើសកាលកំណត់ ព្រមទាំងមានអ្នកកាន់ប័ណ្ណដែលគ្មានការទទួលស្គាល់។

គាត់បាននិយាយនៅក្នុងសន្និសីទសារព័ត៌មានបន្ទាប់ពីប្រតិបត្តិការថា «អ្នកដែលត្រូវបានចាប់ខ្លួននោះ មានជនជាតិខ្មែរ (៦នាក់) បង់ក្លាដែស (២៥២នាក់) មីយ៉ាន់ម៉ា (១០៨នាក់) ហ្វីលីពីន (២នាក់) ឥណ្ឌូនេស៊ី (៣០នាក់) នេប៉ាល់ (២០) និងប៉ាគីស្ថាន (៧នាក់) ដែលពួកគេទាំងអស់មានអាយុចន្លោះពី ៨ ទៅ ៥៤ឆ្នាំ មានបុរស ៣៧២នាក់ និងស្ត្រី៥៣នាក់”។ គាត់បានឱ្យដឹងថា ការស៊ើបអង្កេតបានរកឃើញថា ជនបរទេសដែលត្រូវបានចាប់ខ្លួននោះ ធ្វើការក្នុងវិស័យផ្សេងៗ រួមមានផ្នែកសំណង់ និងផ្នែកសម្អាត។

លោកបន្តថា ក្នុងប្រតិបត្តិការនោះ ជនបរទេសមួយចំនួនក៏បានធ្វើសកម្មភាពហឹង្សាដោយគប់វត្ថុផ្សេងៗ ដូចជាដបទឹក ដើម្បីគេចពីការចាប់ខ្លួន ប៉ុន្តែមិនមានអ្នករងរបួសនោះទេ។ លោក Syamsul Badrin បាននិយាយថា ក្រៅពីអ្នកដែលត្រូវបានចាប់ខ្លួន ក៏មានជនបរទេសដែលបានតាំងលំនៅក្នុងតំបន់នោះផងដែរ ក្នុងចំណោមពួកគេជនភៀសខ្លួនរ៉ូហ៊ីងយ៉ា ដែលកាន់ប័ណ្ណរបស់ឧត្តមស្នងការអង្គការសហប្រជាជាតិសម្រាប់ជនភៀសខ្លួន (UNHCR) និងអ្នកដែលមានប័ណ្ណការងារត្រឹមត្រូវ។

“សម្រាប់ពលរដ្ឋមីយ៉ាន់ម៉ា ពួកគេមានប័ណ្ណដែលចេញដោយសមាគម ឬជនជាតិដើមភាគតិចរបស់ពួកគេ ប៉ុន្តែប័ណ្ណទាំងនោះមិនមានសុពលភាពសម្រាប់ការប្រើប្រាស់ និងមិនត្រូវបានទទួលស្គាល់ (នៅក្នុងប្រទេស)។ លោកបានបន្តថា៖ «ចំពោះអ្នកដែលមានតែប័ណ្ណទាំងនេះជាអត្តសញ្ញាណ ខាងអន្តោប្រវេសន៍នឹងឃាត់ខ្លួនពួកគេ»។ លោកបានបន្តថា អ្នកដែលត្រូវបានឃុំខ្លួនទាំងអស់ត្រូវបាននាំទៅកាន់ប៉ុស្តិ៍អន្តោប្រវេសន៍ Bukit Jalil ដើម្បីចាត់ការបន្ត ហើយករណីនេះកំពុងត្រូវបានស៊ើបអង្កេតតាមមាត្រា ១៥(១)(គ) និងផ្នែក ៦(១)(គ) នៃច្បាប់អន្តោប្រវេសន៍ឆ្នាំ ១៩៥៩/៦៣។ Bernama