https://www.rfi.fr/km//20230908-?utm_medium=social&utm_campaign=telegram&utm_source=shorty ចុះផ្សាយនៅថ្ងៃ៖ 08/09/2023 - 14:37

ថ្លែងប្រាប់វិទ្យុបារាំងអន្តរជាតិ RFI នៅថ្ងៃសុក្រនេះ លោកស្រីឆាយ ស៊ីវលីន ប្រធានសមាគមទេសចរណ៍កម្ពុជា បានឯកភាពថា ករណីឆបោកនិងចាប់ជំរិតក្នុងប្រទេសកម្ពុជា ពិតជារនាំងមួយរាំងខ្ទប់លំហូរទេសចរចិនមកកម្ពុជា ក្រោយករណីទាំងនេះ ត្រូវបានផ្សព្វផ្សាយដល់សាធារណជនចិនទាំងមូល។ ទន្ទឹមគ្នានេះ លោកស្រីគូសបញ្ជាក់ដែរថា លំហូរទេសចរចិនមកកម្ពុជា បច្ចុប្បន្ននេះ នៅមានកម្រិតនៅឡើយ ខណៈអ្នកដំណើរភាគច្រើនមកកម្ពុជា គឺដើម្បីបំពេញបេសកកម្មការងារប៉ុណ្ណោះ ដោយមិនមែនក្នុងគោលដៅទេសចរសុទ្ធសាធឡើយ។ ការបញ្ជាក់ពីលោកស្រី ឆាយ ស៊ីវ លីន យ៉ាងដូច្នេះ ធ្វើឡើងនៅចំពោះមុខកាសែតជប៉ុន Nikkei Asia ដែលបានចុះផ្សាយអត្ថបទមួយក្រោមចំណងជើងថា «កេរ្តិ៍ឈ្មោះកម្ពុជាជាជម្រកនៃបទល្មើសឆបោក គឺជារនាំងលំហូរទេសចរចិនមកកម្ពុជា»។