https://www.khmertimeskh.com/501218545// Khmer Times January 12, 2023

ក្រសួងសន្តិសុខសាធារណៈបាននិយាយកាលពីថ្ងៃពុធថា មនុស្ស៩នាក់ដែលត្រូវបានសង្ស័យថាបានរៀបចំប្រតិបត្តិការទូរគមនាគមន៍ និងក្លែងបន្លំតាមអ៊ីនធឺណិតត្រូវបាននគរបាលកម្ពុជាចាប់ខ្លួននាពេលថ្មីៗនេះ ហើយប្រគល់ទៅឱ្យអាជ្ញាធរចិន។ ប្រភពដដែលបាននិយាយថាអ្នកទាំង៩នាក់ត្រូវបានសង្ស័យនៅក្នុងករណីពាក់ព័ន្ធនឹងទឹកប្រាក់សរុបជាង ១៤.៧ លានដុល្លារ ។ ខណៈដែលកំពុងស៊ើបអង្កេតករណីក្លែងបន្លំតាមប្រព័ន្ធទូរគមនាគមន៍ អង្គភាពសន្តិសុខសាធារណៈបានរកឃើញថាប្រតិបត្តិការក្លែងបន្លំមួយចំនួនមានទីតាំងនៅក្នុងប្រទេសកម្ពុជា។

សួងបានដាក់ជនទាំងនោះនៅក្នុងបញ្ជីកំពុងតាមចាប់ក្នុងយុទ្ធនាការពិសេសមួយ ដែលបានចាប់ផ្តើមកាលពីខែមិថុនា ដែលមានគោលបំណងបង្ក្រាបក្រុមបោកប្រាស់តាមប្រព័ន្ធទូរគមនាគមន៍។ កិច្ចសហប្រតិបត្តិការតាម រយៈ នគរបាលអន្តរជាតិ ចិន និងកម្ពុជាទទួលបានភស្តុតាងមួយចំនួនធំប្រឆាំងនឹងក្រុមឆបោកទាំងនេះ។ ក្រៅពីជនសង្ស័យទាំង ៩នាក់នោះ មានជាង ១០នាក់ផ្សេងទៀតបានបានប្រគល់ខ្លួន និងស្ម័គ្រចិត្តត្រឡប់ទៅប្រទេសចិនវិញ ។ រហូតមកដល់ពេលនេះ ជនសង្ស័យសរុប ២៤នាក់ត្រូវបានចាប់ខ្លួនពីបទពាក់ព័ន្ធនឹងក្រុមនេះ។ ចាប់តាំងពីការចាប់ផ្តើមយុទ្ធនាការនេះ ក្រសួងបានដាក់មនុស្សប្រហែល៤៩០ នាក់នៅក្នុងបញ្ជីតាមចាប់ ហើយប្រហែល២៤០ នាក់ត្រូវបានចាប់ខ្លួន៕ China Daily