https://www.rfi.fr/km//20230327-?ref=tgi ចុះផ្សាយនៅថ្ងៃ៖ 27/03/2023 - 13:47

ជំនួបទ្វេភាគីរវាងលោកនាយករដ្ឋមន្ត្រី ហ៊ុន សែន និងលោកនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម (Anwar Ibrahim)នៅវិមានសន្តិភាពនាថ្ងៃចន្ទនេះ ភាគីទាំងពីរបានពិភាក្សាលើរបៀបវារៈជាច្រើន និងមានការវាយតម្លៃខ្ពស់លើទំនាក់ទំនងកម្ពុជា-ម៉ាឡេស៊ី ព្រមទាំងប្តេជ្ញាលើកកម្ពស់បន្ថែមទៀតនូវកិច្ចសហប្រតិបត្តិការលើគ្រប់វិស័យ។ ជំនួបទ្វេភាគីនេះ បានធ្វើឡើងខណៈដែលលោក អាន់វ៉ា អ៊ីប្រាហ៊ីម នាយករដ្ឋមន្ត្រីថ្មីម៉ាឡេស៊ី បានធ្វើទស្សនកិច្ចរយៈពេល១ថ្ងៃនៅកម្ពុជា។ ក្នុងចំណោមវិស័យសំខាន់ៗ ដែលនាយករដ្ឋមន្ត្រីទាំងពីរលើកយកមកពិភាក្សា បញ្ហាការងារ និងភាពរងគ្រោះរបស់ពលករនៃប្រទេសទាំងពីរក៏ត្រូវបានយកមកជជែកគ្នាផងដែរ។