https://go.kspg.co/tg/1863204
ខេត្តបន្ទាយមានជ័យ ៖ ពលករខ្មែរដែលចេញទៅរកការងារធ្វើនៅប្រទេសថៃ និងត្រឡប់មកវិញគិតក្នុងឆ្នាំ២០២៣ គឺមានជិត៧ម៉ឺននាក់ នៅតាមច្រកទ្វារអន្តរជាតិប៉ោយប៉ែត ក្រុងប៉ោយប៉ែត។ លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា រយៈពេល១ឆ្នាំក្នុងឆ្នាំ២០២៣ ច្រកទ្វារអន្តរជាតិប៉ោយប៉ែតមានពលករខ្មែរ ដែលចេញទៅរកការងារធ្វើនៅប្រទេសថៃ និងត្រឡប់មកវិញចូលកម្ពុជា មានចំនួន៦៧,០០៩នាក់ ក្នុងនោះមាន (ស្រី៣០,៥៨៣នាក់)។ លោកបានបញ្ជាក់ថា ក្នុងនោះ ពលករខ្មែរចេញទៅរកការងារធ្វើមានចំនួន៥៣,៧៥៦នាក់ (ស្រី២៤២៩៣នាក់) និងពលករដែលត្រឡប់ចូលមកកម្ពុជាវិញ មានចំនួន១៣,២៥៣នាក់ (ស្រី៦,២៩០នាក់)។ លោកវ៉ាន់ ដារ៉ាន់ បានបញ្ជាក់ថា ពលករគឺគាត់បានចេញទៅតាមរយៈក្រុមហ៊ុនចំនួន១៣ នាំទៅរកការងារធ្វើដោយស្របច្បាប់នៅប្រទេសថៃ តាមច្រកទ្វារអន្តរជាតិប៉ោយប៉ែតដែលទៅធ្វើការងារមានការងារក្រុមហ៊ុនធ្វើរោងចក្រ និងសិប្បកម្ម និងការងារផ្សេងៗទៀត ។ ហើយសង្ឃឹមថា ប្រជាពលរដ្ឋបញ្ឈប់ការចាញ់បោកមេខ្យល់ដែលនាំទៅធ្វើការងារដោយខុសច្បាប់ត្រូវភាគីថៃចាប់បញ្ជូនស្ទើរាល់ថ្ងៃ ដែលអាជ្ញាធរទទួលធ្វើការណែនាំអោយបញ្ឈប់សកម្មភាពចាញបោកមេខ្យល់ ។
website_news:20240110_02
website_news/20240110_02.txt · Last modified: 2024/01/10 11:50 by kun keorasmey