https://www.khmertimeskh.com/501422634/%E1%9E%87%E1%9E%93%E1%9E%87%E1%9E%8F%E1%9E%81%E1%9E%98%E1%9E%9A%E1%9E%92%E1%9E%9C%E1%9E%80%E1%9E%9A%E1%9E%81/ នាយកដ្ឋានអន្តោប្រវេសន៍នៃរដ្ឋPerak បានចាប់ឃាត់ខ្លួនជនអន្តោប្រវេសន៍ខុសច្បាប់ចំនួន៩៥ នាក់ក្នុងអំឡុវពេលវាយឆ្មក់នៅទីតាំងចំនួន២៥កន្លែងនៅក្នុងក្រុងIpoh និង Gopengកាលពីសប្តាហ៍មុន។ លោក Sharmanrizal Rustam អនុប្រធាននាយកដ្ឋានអន្តោប្រវេសន៍បាននិយាយថា អ្នកដែលត្រូវបានឃាត់ខ្លួនមានមកពីប្រទេសឥណ្ឌូនេស៊ី (ប្រុស៥នាក់)បង់ក្លាដែស (ប្រុស ១៨នាក់)និងមីយ៉ាន់ម៉ា (ប្រុស៩ នាក់ ស្រី ៧ នាក់ ក្មេងប្រុសម្នាក់ និងក្មេងស្រីម្នាក់) កម្ពុជា (ប្រុស១នាក់ ស្រី១០នាក់) ថៃ (ប្រុស១៦នាក់ ស្រី២៣នាក់)ប៉ាគីស្ថាន (ប្រុស១នាក់) ឡាវ (ស្រី១នាក់) ហ្វីលីពីន(ស្រី១នាក់) និងអេហ្ស៊ីប(ប្រុស១នាក់)។ លោកបានបន្តថា ប្រតិបត្តិការនេះមានការចូលរួមពីមន្ត្រីចំនួន២០នាក់ ដែលបានធ្វើប្រតិបត្តិការចាប់ពីម៉ោង១១ព្រឹក រហូតដល់ពាក់កណ្តាលអធ្រាត្រ ដោយបានចុះត្រួតពិនិត្យពលករចំនួន១១៩នាក់ នៅតាមទីតាំងចំនួន២៥ រួមមានហាងលក់សំលៀកបំពាក់ កន្លែងទទួលទានអាហារ កន្លែងលាងរថយន្ត និងមជ្ឈមណ្ឌលកម្សាន្ត។ លោកបានលើកឡើងទៀតថា ពួកគេត្រូវបានឃុំខ្លួន ខណៈដែលបានប្រព្រឹត្តិបទល្មើសអន្តោប្រវេសន៍ជាច្រើន ដោយពួកគេមិនមានលិខិតឆ្លងដែនត្រឹមត្រូវ ការស្នាក់នៅលើសពេលកំណត់ និងការប្រើប្រាស់លិខិតឆ្លងដែនមិនត្រឹមត្រូវ។ លោកបានបន្ថែមថា នាយកដ្ឋាននឹងចាត់វិធានការយ៉ាងម៉ឺងម៉ាត់ចំពោះនិយោជក ឬបុគ្គលដែលជួល ឬការពារជនអន្តោប្រវេសន៍ខុសច្បាប់ រួមទាំងការកាត់ទោសនៅតុលាការផងដែរ។