មនុស្ស ៤ នាក់ដែលត្រូវបានគេរកឃើញថាមានពិរុទ្ធពីបទជួញដូរមនុស្សដោយបានបង្ខំប្រជាជនមកពីស្រុក Pingtung ឱ្យធ្វើសកម្មភាពក្លែងបន្លំទូរគមនាគមន៍ដែលមានមូលដ្ឋាននៅកម្ពុជា ដោយពួកគេត្រូវបានកាត់ទោសយ៉ាងធ្ងន់ធ្ងរដោយតុលាការ Kaohsiung របស់តៃវ៉ាន់។
ជនជាប់ចោទទាំង៤នាក់ ត្រូវបានផ្តន្ទាទោសដាក់ពន្ធនាគារពី ១ឆ្នាំ ទៅ ៧ខែ និង ៣ឆ្នាំ ៨ខែ បន្ទាប់ពីរកឃើញថា ពួកគេបានស្ម័គ្រចិត្តឃុបឃិតធ្វើប្រតិបត្តិការខុសច្បាប់ជាមួយសមាជិកដទៃទៀតនៅកម្ពុជា នេះបើយោងតាមតុលាការ។ កន្លងមក តុលាការស្រុក Pingtung បាននិយាយថា មនុស្សទាំង៤នាក់ រួមមានស្ត្រី ៣នាក់ ដែលមានឈ្មោះChen, Lai និង Chou និងបុរសម្នាក់ដែលមានឈ្មោះLin បានអះអាងថា ពួកគេត្រូវបានគេវាយដំ និងត្រូវបានបង្ខំឱ្យជួយការងារក្រុមជនពាល រួមមានល្បួងជនជាតិតៃវ៉ាន់ និងក្លែងបន្លំឯកសារ។
ជាលទ្ធផល តុលាការបានកាត់ទោសដាក់ពន្ធនាគារចន្លោះពី ១១ ខែ ទៅ ២ ឆ្នាំ ២ ខែ ដល់ជនទាំង ៤ នាក់។ Lin បានទទួលការកាត់ទោសរយៈពេលពីរឆ្នាំ ប៉ុន្តែមានសិទ្ធិទទួលការកាត់ទោសព្យួររយៈពេល ៥ឆ្នាំ។
ប៉ុន្តែ នៅក្នុងការកាត់ក្តីលើកទីពីរ តុលាការកំពូលបានរកឃើញថា Chen, Lai និង Chou បានស្ម័គ្រចិត្តស្នាក់នៅក្នុងប្រទេសកម្ពុជា ហើយពួកគេមិនដែលត្រូវបានវាយដំលើរូបរាងកាយដោយសមាជិកក្រុមជនជាពាលផ្សេងទៀត ដូចដែលពួកគេបានអះអាងពីមុននោះទេ។
តុលាការបានបន្ថែមថា ចុងចោទស្ត្រីទាំងបីនាក់ថែមទាំងបានដើរលេងជាមួយសមាជិកក្រុមជនពាល និងចូលរួមពិធីជប់លៀងដែលរៀបចំដោយក្រុមជនពាលនៅសណ្ឋាគារ ដែលនាំឱ្យចៅក្រមសម្រេចបង្កើនទោសជាប់ពន្ធនាគាររបស់ពួកគេ។
Chen បានទទួលទោសជាប់គុក៣ឆ្នាំ៨ខែខណៈដែល Lai ត្រូវបានកាត់ទោសឱ្យជាប់គុក៣ឆ្នាំ២ខែ។ ទន្ទឹមនឹងនេះ Lin ជាប់គុកពីរឆ្នាំ និង Chou ជាប់គុកមួយឆ្នាំ៧ ខែនេះបើតាមតុលាការ។
សាលក្រមបានបង្ហាញថា Chen, Lai និង Chou បានចូលរួមជាមួយក្រុមឧក្រិដ្ឋជនដែលត្រូវបានគេស្គាល់ដោយឈ្មោះផ្សេងៗគ្នា រួមមាន “Wan Yuan Corp” “Wan Li Corp” និង “Wan Ku Corp” ក្នុងឆ្នាំ២០២២ និងបានជួយផ្សាយពាណិជ្ជកម្មក្លែងក្លាយជាមួយនឹងប្រាក់ខែចំនួន១២៨៥ក្នុងមួយខែ។
ទន្ទឹមនឹងនោះ Lin ទទួលខុសត្រូវក្នុងការរៀបចំការរៀបចំកិច្ចការចាំបាច់ទាំងអស់នៅតៃវ៉ាន់ មុនពេលជនរងគ្រោះចាកចេញទៅប្រទេសកម្ពុជា រួមទាំងការផ្តល់វិញ្ញាបនបត្រវ៉ាក់សាំង COVID-19 ក្លែងក្លាយដែលចាំបាច់សម្រាប់ការធ្វើដំណើរទៅក្រៅប្រទេស។
យោងតាមអាជ្ញាធរតៃវ៉ាន់ មនុស្ស ១០ នាក់ រួមទាំងអ្នកដែលមិនទាន់គ្រប់អាយុមួយចំនួន ត្រូវបានកំណត់អត្តសញ្ញាណថាបានល្បួងអោយទៅកម្ពុជា។
ករណីនេះមិនត្រូវបានបង្ហាញឱ្យដឹងទេ រហូតដល់សមាជិកគ្រួសារនៃមនុស្សប្រាំបីនាក់ដែលជាប់នៅកម្ពុជាបានបង់ថ្លៃលោះជនរងគ្រោះពីក្រុមជនពាល ហើយជនរងគ្រោះបានត្រឡប់ទៅតៃវ៉ាន់វិញ។ ស្ត្រីម្នាក់ឈ្មោះ Chen (ស្ដាំ) បានស្ថិតក្នុងការឃុំឃាំងរបស់នគរបាលកាលពីថ្ងៃទី ២៩ ខែសីហា ឆ្នាំ ២០២៣។