វិចិត្រករសេរ៉ាមិចបានចូលរួមលើកកម្ពស់ការយល់ដឹងអំពីជនរងគ្រោះដោយការជួញដូរមនុស្ស
Sana Musasamaមកពីសកលវិទ្យាល័យ MSU ក្នុងរដ្ឋTexas បានដាក់តាំងបង្ហាញទំនិញធ្វើពីសេរ៉ាមិច និងផលិតផលផ្សេងទៀតដែលធ្វើដោយអ្នករស់រានមានជីវិតពីការជួញដូរនៅកម្ពុជា។ នាងបានលើកឡើងថា ផលិតផលទាំងនេះគឺមានអត្ថន័យលើសពីសិល្បៈទៅទៀត។
នាងបានចាប់ផ្តើមគម្រោងនេះនៅក្នុងឆ្នាំ២០១៥ ជាមួយនឹងអង្គការប្រឆាំងការជួញដូរនៅក្នុងប្រទេសកម្ពុជា។
នៅទូទាំងប្រទេស ៨០ ភាគរយនៃស្ត្រីវ័យក្មេងដែលមានអាយុពី១៣ ទៅ ២៤ ឆ្នាំដែលត្រូវបានជួយសង្គ្រោះពីការជួញដូរបានត្រឡប់ទៅរកអ្នករំលោភបំពានរបស់ពួកគេវិញ។ នាងសង្ឃឹមថាការតាំងពិព័រណ៍នេះនឹងផ្តល់នូវព័ត៌មាន និងចំណេះដឹងថ្មី។
នាងបានបន្តថា “អ្នកអាចមើលឃើញពីស្នាមញញឹមសោះកក្រោះ។ ដូច្នេះហើយ វាធ្វើអោយយើងទាំងអស់គ្នាយល់ដឹងថា កុមារកំពុងស្ថិតក្នុងគ្រោះថ្នាក់ ហើយប្រហែលជាខ្ញុំអាចជួយក្មេងនោះបាន។ ខ្ញុំបានចាប់ផ្តើមធ្វើគម្រោងនេះមួយជាមួយក្មេងស្រីជំទង់ដែលបានជួបការលំបាកដោយសារពួកគេគ្មានការអប់រំ ហើយយើងបានកាត់ដេរអាវពាក់សម្រាប់ធ្វើម្ហូបដ៏ស្រស់ស្អាតទាំងនេះដែលធ្វើឡើងដោយនាងផ្ទាល់»។
បច្ចុប្បន្ននេះ អង្គការបានជួលស្ត្រីវ័យក្មេងចំនួន៩ នាក់ ហើយពួកគេបានទទួលប្រាក់ឈ្នួលពីការកាត់ខោអាវ កាបូបយួរដៃ និងកាបូបយូហ្គា។