• https://rfi.my/AM8v.g
• ទោះបីជា រង របួស ដោយ គ្រោះថ្នាក់ ចរាចរណ៍ ក៏ដោយ ពលរដ្ឋ ខ្មែរ បាន រត់ គេច ចូលព្រៃ ក្នុង ប្រទេស ថៃ (https://www.khmertimeskh.com/501442288/%E1%9E%91%E1%9E%94%E1%9E%87%E1%9E%9A%E1%9E%84%E1%9E%9A%E1%9E%94%E1%9E%9F%E1%9E%8A%E1%9E%99%E1%9E%82/)
• https://www.rfa.org/khmer/news/human-rights/cambodian-injured-by-traffic-accidents-in-thailand-went-into-hiding-in-jungle-for-fear-of-arrest-02202024031325.html សង្គមស៊ីវិលស្នើជួយសង្គ្រោះពលករខ្មែរដែលជួបគ្រោះថ្នាក់ចរាចរណ៍ ហើយរត់គេចខ្លួនចូលក្នុងព្រៃនៅថៃ

ពលរដ្ឋខ្មែរធ្វើការខុសច្បាប់ក្នុងប្រទេសថៃនាំគ្នារត់ចូលព្រៃជាមួយកូនតូចៗ ក្រោយជួបឧបទ្ទេវហេតុគ្រោះថ្នាក់ចរាចរណ៍ក្រឡាប់ឡានក្នុងខេត្តចាន់ថាបុរី ប្រទេសថៃ។ ការរត់គេចខ្លួនចូលព្រៃទាំងមានរបួសពេញខ្លួន គឺដោយសារតែពួកគេខ្លាចសមត្ថកិច្ចថៃចាប់ខ្លួនពីបទឆ្លងដែន និងធ្វើការខុសច្បាប់ក្នុងប្រទេសថៃ។ នេះបើតាមការចុះផ្សាយដោយកាសែត Khao Sod របស់ថៃកាលពីថ្ងៃទី១៨ កុម្ភៈ។ តាម​កាសែត Khao Sod ក្រោយហេតុការណ៍គ្រោះថ្នាក់ចរាចរណ៍ ក្រុមជួយសង្គ្រោះប្រចាំខេត្តចាន់ថាបុរីបានទៅដល់ទីតាំងកើតហេតុភ្លាមៗ និងបាន​ប្រញាប់ប្រញាលជួយសង្គ្រោះជនរងគ្រោះជាច្រើននាក់ទៅកាន់មន្ទីរពេទ្យ។ ក្នុងចំណោមជនរងគ្រោះ មានពលរដ្ឋខ្មែរចំនួន ៤នាក់ត្រូវបានបញ្ចូលទៅកាន់មន្ទីរពេទ្យម៉ាខាំក្នុងតំបន់ភ្លាមៗ និង​មាន​មួយ​ចំនួន​ទៀតបាន​នាំ​គ្នា​រត់គេច​ខ្លួន​ចូលព្រៃ​ទាំង​មាន​របួស។ ក្រុមអ្នកសង្គ្រោះបានស្រែកហៅឱ្យពួកគេចេញមកដើម្បីជួយសង្គ្រោះដូចគ្នាដោយ​ព្រួយបារម្ភថា ប្រសិនបើពួកគេមិនចេញមកទេ វាអាចបង្កឱ្យមានគ្រោះថ្នាក់ធ្ងន់ធ្ងរតាមរយៈការហូរឈាមច្រើនត្រង់មុខរបួស ឬប្រឈមនឹងការខូចអវយវៈនៃផ្នែកខ្លះផង។ តាមកាសែតថៃ Khao Sod ដដែល ក្រោយបានស្រែកហៅអស់មួយសន្ទុះធំ ពលរដ្ឋខ្មែរដែលរត់ចូលព្រៃទាំងនោះក៏បានយល់ព្រមចេញមកក្រៅ និងទទួលយកការព្យាបាលពីសំណាក់ក្រុមជួយសង្គ្រោះថៃ។ គួរជម្រាបជូនថា ហេតុការណ៍គ្រោះចរាចរណ៍នេះបានកើតឡើងនៅវេលាម៉ោង១:៤៥រំលងអាធា្រតយប់ថ្ងៃទី១៨ កុម្ភៈ លើផ្លូវលេខ៣១៧ ឃុំផាត់ថាវី ស្រុកម៉ាខាំ ខេត្តចាន់ថាបុរី។ តាមប៉ូលីសថៃ រថយន្តដែលដឹកពលរដ្ឋខ្មែរខុសច្បាប់ទាំងនោះបានធ្វើដំណើរត្រឡប់ចូលប្រទេសកម្ពុជាវិញ។ បច្ចុប្បន្ន សមត្ថកិច្ចថៃកំពុងធ្វើការជាមួយស្ថាប័នពាក់ព័ន្ធដើម្បីចាត់ការតាមនីតិវិធីច្បាប់ចំពោះពលករខ្មែរទាំង​នេះ។ វិទ្យុបារាំងអន្តរជាតិមិនទាន់អាចសុំការឆ្លើយពីលោក អាន សុខឿន អ្នកនាំពាក្យក្រសួងការបរទេសបាននៅឡើយទេនាព្រឹកថ្ងៃទី១៩ កុម្ភៈនេះ។ ប៉ុន្តែអ្នកតាមដានសង្គមស្នើឱ្យរដ្ឋាភិបាលកម្ពុជា ពិសេសស្ថានទូតខ្មែរប្រចាំប្រទេសថៃជួយអន្តរាគមន៍លើពលករដែលជួបគ្រោះថ្នាក់ចរាចរណ៍នេះ និងជួយសម្រួលឱ្យពួកគេអាចត្រឡប់មកប្រទេសកំណើតវិញ៕