សមត្ថកិច្ចធ្វើការឃាត់ខ្លួនបុរសជនជាតិអាមេរិកម្នាក់ និងបណ្តេញចេញពីប្រទេសកម្ពុជាពាក់ព័ន្ធបទល្មើសបៀតបៀនផ្លូវភេទលើកុមារ
- https://thmeythmey.com/m/?page=detail&id=134297&fbclid=IwAR1wYj3n2poByYgVXlWw69V3v9NHPI6ucSbmGsBIpzIzhuCrYOZkLRj4H5Q ជនជាតិអាមេរិកម្នាក់ ត្រូវបានបណ្ដេញពីកម្ពុជា ដើម្បីសុវត្ថិភាពកុមារ
ភ្នំពេញ៖ ក្រុមការងារចម្រុះត្រូវបានបង្កើតឡើងក្នុងកិច្ចសហប្រតិបត្តិការរវាងអគ្គស្នងការដ្ឋាននគរបាលជាតិ នៃក្រសួងមហាផ្ទៃ, អគ្គនាយកដ្ឋានអន្តោប្រវេសន៍, ការិយាល័យស្រាវជ្រាវសហព័ន្ធ (FBI), សន្តិសុខមាតុភូមិ (HSI), អង្គភាពការពារកុមារ (CPU) និងអង្គការក្រៅរដ្ឋាភិបាលនាៗ ដើម្បីដំណើរការស៊ើបអង្កេតស៊ីជម្រៅទៅលើអតចរិត និងសកម្មភាពប្រចាំថ្ងៃរបស់បុរសជនជាតិអាមេរិកម្នាក់ ដែលបានធ្វើដំណើរមកកាន់ប្រទេសកម្ពុជា។
លោក Wilfred Willis Holley ធ្លាប់មានប្រវត្តិជាប់ទោសពីបទល្មើសកម្រិតធ្ងន់ដែលបានប្រព្រឹត្តទៅលើកុមារ នៅក្នុងប្រទេសផ្សេងៗមួយចំនួន និងត្រូវបានសមត្ថកិ្ចកម្ពុជាធ្វើការឃាត់ខ្លួនកាលពីថ្ងៃទី៧ ខែកុម្ភៈ ឆ្នាំ២០២៤ ដើម្បីប្រគល់ជូនអគ្គនាយកដ្ឋានអន្តោប្រវេសន៍។
ជាលទ្ធផលនៃការស៊ើបអង្កេត និងការឃ្លាំមើលសកម្មភាពទំនាក់ទំនងជាមួយកុមារ លោក Holley ត្រូវបានសមត្ថកិច្ចធ្វើការបណ្តេញចេញពីប្រទេសកម្ពុជា។
អង្គភាពការពារកុមារ (CPU) បានលើកឡើងថា “លោក Holley គឺជាហានិភ័យដ៏ធំដល់កុមារ ដូច្នេះខ្ញុំសូមថ្លែងការកោតសរសើរដល់រាល់ស្ថាប័ន្នដែលបានចូលរួមក្នុងការស៊ើបអង្កេតមួយនេះ និងជាពិសេសចំពោះការឆ្លើយតបរហ័សពីរាជរដ្ឋាភិបាលកម្ពុជា, អគ្គស្នងការដ្ឋាននគរបាលជាតិ និងអគ្គនាយកដ្ឋានអន្តោប្រវេសន៍ ក្នុងការបណ្តេញបុគ្គលនេះចេញពីប្រទេសកម្ពុជា។”
ការស៊ើបអង្កេតនេះគឺជាឧទាហរណ៍ដ៏ល្អមួយ ដែលបង្ហាញអំពីការប្តេជ្ញារបស់ស្ថាប័ន្នពាក់ព័ន្ធទាំងឡាយ ក្នុងកិច្ចការពារកុមារពីបុគ្គដូចជាលោក Holley ជាដើម។ នេះជាសារដ៏សំខាន់មួយផ្ញើរជូនទៅដល់ជនបរទេសទាំងឡាយដែលគិតថាប្រទេសកម្ពុជាមានការអត់ធ្មត់ចំពោះបុគ្គលបែបនេះ “កុំចូលមកប្រទេសកម្ពុជា យើងមិនស្វាគមន៍អ្នកទេ។ យើងនឹងកំណត់អត្តសញ្ញាណរបស់អ្នក និងធ្វើការឆ្លើយតបតាមនីតិវិធីច្បាប់។” នេះជាកិច្ចការដ៏ល្អប្រសើរដោយមន្ត្រីពាក់ព័ន្ធទាំងអស់គ្នា៕
លោក Wilfred Willis Holley ជនជាតិអាមេរិក ដែលត្រូវសមត្ថកិច្ចកម្ពុជាបណ្ដេញចេញ។