នារីវ័យក្មេងដែលចាញ់បោកមេខ្យល់ នាំយកទៅលក់នៅប្រទេសចិន ត្រូវបានជួយសង្គ្រោះ
- https://khmer.voanews.com/a/a-young-cambodian-girl-trafficked-to-china-rescued/7522339.html ក្មេងស្រីអាយុ១៦ឆ្នាំម្នាក់ត្រូវបានជួយសង្រ្គោះពីការបង្ខាំងទុកនៅប្រទេសចិន
- https://www.rfa.org/khmer/news/human-rights/16-year-old-girl-asks-for-help-after-being-sold-to-china-03112024045440.html ក្មេងស្រីវ័យ១៦ឆ្នាំម្នាក់ស្នើសុំជួយសង្គ្រោះដោយសារចាញ់បោកគេយកទៅលក់នៅចិន
សមត្ថកិច្ចរបស់ប្រទេសចិននៅល្ងាចថ្ងៃទី ១០ ខែមីនា ឆ្នាំ ២០២៤ បានជួយនារីកម្ពុជាវ័យក្មេងម្នាក់ចេញពីទីកន្លែងឃុំឃាំង បន្ទាប់ពីមានការអន្តរាគមន៍ពីសមត្ថកិច្ចកម្ពុជា។
នារីជនរងគ្រោះឈ្មោះ រុំ ភិផា អាយុ ១៦ ឆ្នាំ រស់នៅភូមិខ្សាច់ប្រឆេះក្រោម ស្រុកក្រូចឆ្មា ខេត្តត្បូងឃ្មុំ បានអះអាងថា រូបនាងបានចាញ់បោកមេខ្យល់នាំយកទៅលក់នៅឯប្រទេសចិន ដោយមេខ្យល់សន្យារកការងារ ប៉ុន្តែបែរជាយកនាងទៅចាក់សោផ្ទះឃុំនៅក្នុងបន្ទប់រយៈពេល ៦ ខែ។
លោក ទូច សុឃៈ អ្នកនាំពាក្យរងក្រសួងមហាផ្ទៃ ប្រាប់កម្ពុជាថ្មីនៅព្រឹកថ្ងៃទី ១១ ខែមីនា ឆ្នាំ ២០២៤ នេះថា សមត្ថកិច្ចកម្ពុជាបានបញ្ជូនព័ត៌មានទៅក្រសួងការបរទេស ហើយក្រសួងការបរទេសកម្ពុជាបន្តផ្ដល់ព័ត៌មានទៅអគ្គកុងស៊ុលនៅប្រទេសចិន ខណៈសមត្ថកិច្ចចិន បានចូលទៅដល់ទីតាំងបង្ខាំងក្មេងស្រី និងនាំប្អូនស្រីចេញពីទីតាំងចាប់បង្ខាំង។
លោកទូច សុឃៈបញ្ជាក់ថា បច្ចុប្បន្ន បច្ចុប្បន្ន ក្មេងស្រីរូបនេះ កំពុងស្ថិតនៅទីកន្លែងដែលមានសុវត្ថិភាព រង់ចាំបន្តនីតិវីធីជាមួយអគ្គកុងស៊ុលរបស់កម្ពុជា ខណៈស្ថានភាពសុខភាពរបស់ប្អូនស្រីល្អប្រសើរ៕
សេចក្ដីប្រកាសព័ត៌មានរបស់រដ្ឋបាលខេត្តត្បូងឃ្មុំខាងក្រោម៖
