ក្រុមការងារ​កិច្ចការយុត្តិធម៌ មានភារកិច្ច៖

• រៀបចំនីតិវិធីនិងផែនការសម្រាប់ប្រមូលទិន្នន័យនៃការផ្តន្ទាទោស ករណីជួញដូរមនុស្ស​ឲបានជាប្រចាំ
• ប្រមូលទិន្នន័យពាក់ព័ន្ធ​នឹងដំណើរការ​ផ្តន្ទាទោស​ករណីជួញដូរមនុស្ស ពីស្ថាប័នអយ្យការ និងសាលាដំបូង​រាជធានី​ខេត្ត ឲ្យបានទៀងទាត់​តាមពេល​វាលា​កំណត់
• ពង្រឹង​កិច្ចសហការ​រវាងស្ថាប័ន​អយ្យការ និងមន្ត្រីនគរបាលយុត្តិធម៌ ដើម្បីការងារប្រមូល​ព័ត៌មាន និងភស្តុតាង​ឲ្យបាន​គ្រប់គ្រាន់ដើម្បី​បម្រើឲ្យការងារ​ផ្តន្ទាទោសប្រកបដោយយុត្តិធម៌
• ពង្រឹងការអនុវត្តច្បាប់ គោលនយោបាយ គោលការណ៍ណែនាំ វិធានការ​ និងផែនការនានា ដែល​ពាក់ព័ន្ធនឹងអំពើជួញដូរមនុស្ស​ឲ្យ​ទទួលបាន​ប្រសិទ្ធភាព និងប្រសិទ្ធផល​ខ្ពស់
• ផ្សព្វផ្សាយ​អប់រំ និងបណ្តុះបណ្តាលមន្ត្រីអនុវត្តន៍ច្បាប់ ជំរុញកិច្ចសហប្រតិបត្តិការជាមួយអន្តរជាតិ​ក្នុងការអនុវត្តច្បាប់ដើម្បីបង្ក្រាបអំពើជួញដូរមនុស្សជាអាទិ៍ ការអនុវត្តសន្ធិសញ្ញា​ស្តីពី​ការជួយគ្នាទៅវិញទៅមកផ្នែកច្បាប់ និងការធ្វើ​បត្យាប័ន នៅក្នុងប្រព័ន្ធយុត្តិធម៌ព្រហ្មទណ្ឌ ។ល។
• តាមដានត្រួតពិនិត្យ ការអនុវត្តនីតិវិធីពាក់ព័ន្ធ​ការផ្តន្ទាទោស និងផ្លាស់​ប្តូរបទពិសោធន៍​ជាក់ស្តែង​រវាងគ្នា ដើម្បីលើកកម្ពស់​គុណភាព​ប្រព័ន្ថយុត្តិធម៌
• រៀបចំផែនការសកម្មភាព និងបង្កើតយុទ្ធសាស្ត្រ​ឆ្លើយតប​ទៅនឹង​សកម្មភាព​ការងារ​ចំពោះ​មុខ
• ធ្វើរបាយការណ៍​ទៀងទាត់​អំពីលទ្ធផល​សកម្មភាពនៃការអនុត្តការងារ ទៅអគ្គលេខាធិការដ្ឋាន គ.ជ.ប.ជ មិនហួសពីថ្ងៃចុងក្រោយនៃខែនីមួយៗ និងរបាយការណ៍ ត្រីមាស ឆមាស ឆ្នាំ ដើម្បីបូកសរុប​របាយការណ៍ជូនគណៈកម្មាធិការជាតិ គ.ជ.ប.ជ
• ប្រជុំក្រុមការងារ​ទៀងទាត់ប្រចាំខែ និងកិច្ចប្រជុំផ្សេងទៀត តាមការចាំបាច់
• ចូលរួមសកម្មភាព​ដទៃទៀត តាមការប្រគល់ជូនពី គ.ជ.ប.ជ។