• គណៈបញ្ជាការដឹកនាំប្រតិបត្តិការ

ក្រុមការងារ​អនុវត្តន៍ច្បាប់ មានភារកិច្ច​ដូចតទៅ៖ ពង្រឹង​កិច្ចសហការរវាង​សមាជិក​ក្នុងក្រុមការងារ អគ្គលេខាធិការដ្ឋាន គ.ជ.ប.ជ និងដៃគូពាក់ព័ន្ធដទៃទៀតដើម្បី៖

• តាមដានត្រួតពិនិត្យសភាពការណ៍ និងការវិត្តប្រែប្រួលនៃបទល្មើស កលល្បិចជនល្មើស ទំនោរ​និងបញ្ហា​សង្គម​ដែលជាកត្តាអូសទាញ ឬជំរុញ ឬនាំប្រជាពលរដ្ឋ​ទៅរកភាពងាយរងគ្រោះ ដោយការជួញដូរ​មនុស្ស ការរំលោភបំពាន និងការកេងប្រវ័ញ្ច​គ្រប់រូបភាព
• រៀបចំបង្កើតគោលនយោបាយ យុទ្ធសាស្ត្រ វិធានការ ផែនការ និងថរិកា សម្រាប់ការងារបង្រាប បទល្មើសជួញដូរ និងសង្គ្រោះជនរងគ្រោះ ដាក់ជូន គ.ជ.ប.ជ
• សហការជាមួយក្រសួង ស្ថាប័នពាក់ព័ន្ធ ផ្នែកឯកជន អង្គការដៃគូរ ស្ថានទូត និងសមត្ថកិច្ច នៃប្រទេសពាក់ព័ន្ធ ក្នុងតំបន់ និងជាអន្តរជាតិ ពង្រីក​ការចូលរួមពីប្រជាពលរដ្ឋ​ដើម្បីប្រមូលព័ត៌មាន ដែលអាចធានាដល់វិធានការបង្រាបបទល្មើស ចាប់ជនល្មើស និងជួយជនរងគ្រោះ ក្នុងករណីអំពើជួញ​ដូរមនុស្ស​ឆ្លងដែន​ទាន់ពេលវេលា
• លើកកម្ពស់ការអនុវត្ត អនុសញ្ញា សន្ធិសញ្ញា និងកត្តិកាសញ្ញាអន្តរជាតិ ច្បាប់ និងគោលនយោបាយជាតិ គោលការណ៍​ណែនាំ កិច្ចព្រមព្រៀង អនុស្សរណៈ​ទ្វេ​ភាគី ពហុភាគី ផែនការនិងបទដ្ឋានពាក់ព័ន្ធនឹង​អំពើជួញ​ដូរ​មនុស្ស​ ជាមួយបណ្តាភាគីពាក់ព័ន្ធក្នុងប្រទេស ក្រៅប្រទេស ក្នុងតំបន់ និងជាអត្តរជាតិ ឲ្យទទួលបានប្រសិទ្ធភាព​ និងប្រសិទ្ធផល​ខ្ពស់
• ចូលរួមតាមដានត្រួតពិនិត្យ ការងារ​ជំនាញមន្ត្រីអនុវត្តន៍ច្បាប់ នៅតាមបណ្តារមូលដ្ឋានថ្នាក់ក្រោមជាតិ ទីតាំងឈរជើង​របស់កម្លាំងសមត្ថកិច្ច​រាជធានី ខេត្តជាប់ព្រំដែន និងមានវិធានការតឹងរឹង​សំដៅលើកកម្ពស់​គុណភាព និងប្រសិទ្ធភាពនៃការអនុវត្ត​ច្បាប់
• ជម្រុញការអនុវត្តសកម្មភាពរបស់មន្ត្រីអនុវត្តន៍ច្បាប់​នៅគ្រប់កម្រិតថ្នាក់ជាតិ និងថ្នាក់ក្រោមជាតិ
• លើក​កម្ពស់​ការប្រើប្រាស់សេវាទូរស័ព្ទទាន់ហេតុការណ៍ និងបានចាត់វិធានការសមស្រប ទាន់ពេលវេលា
• ធ្វើរបាយការណ៍ទៀងទាត់អំពីលទ្ធផល​កម្មភាពនៃការអនុវត្តច្បាប់ទៅអគ្គលេខាធិការដ្ឋាន គ.ជ.ប.ជ មិនហួសពីថ្ងៃចុងក្រោយនៃខែនីមួយៗ និងរបាយការណ៍ ត្រីមាស ឆមាស ឆ្នាំ ដើម្បីបូកសរុប​របាយការណ៍ជូនគណៈកម្មាធិការជាតិ គ.ជ.ប.ជ
• ប្រជុំក្រុមការងារទៀងទាត់ប្រចាំខែ និងកិច្ចប្រជុំផ្សេងទៀត តាមការចាំបាច់
• ចូលរួមសកម្មភាពដទៃទៀត តាមការប្រគល់​ជូនពី គ.ជ.ប.ជ។

សសរ_កែសម្រួលសមាសភាពក្រុមការងារអនុវត្តច្បាប់២០២៥ ថ្ងៃទី១៦ ខែតុលា ឆ្នាំ២០២៥