• សេចក្តីសម្រេចស្តីពីការតែងតាំងសមាសភាពក្រុមការងារការពារជនរងគ្រោះ

ក្រុម​ការ​ងារ​ការពារជនរងគ្រោះដោយអំពើជួញដូរមនុស្ស មានភារកិច្ចដូចតទៅ៖

• ពង្រឹង​ និងពង្រីក​កិច្ចសហការរវាងសមាជិក​ក្នុងក្រុមការងារ អគ្គលេខាធិការដ្ឋាន គ.ជ.ប.ជ ស្ថាប័នរដ្ឋ ឯកជន និងអង្គការដៃគូ ទាំងនៅក្នុងស្រុក និងនៅប្រទេស​ពាក់ព័ន្ធ​ដើម្បី៖
  • រៀបចំបង្កើត​គោលនយោបាយ យុទ្ធសាស្ត្រ ផែនការសកម្មភាព និងថវិកាសម្រាប់ការងារ​ការពារ​ជន​រងគ្រោះ និងដាក់ជូន គ.ជ.ប.ជ ពិនត្យ និងផ្តល់យោបល់
  • ផ្តល់ព័ត៌មាន កំណត់អត្តសញ្ញាណជនរងគ្រោះ​ឲបានត្រឹមត្រូវ និងជួយ​ជនរងគ្រោះ​ឲ្យបានទាន់ពេលវេលា
  • ជួយ​ឲ្យជនរងគ្រោះ​មានសិទ្ធទទួលបាននូវសេវា​សមស្រប និងមានគុណភាព ឆ្លើយតបទៅនឹងកម្រិត​នៃភាពរងគ្រោះ មានជាអាទិ៍សេវាថែទាំ កិច្ចការពារ​ផ្លូវច្បាប់ ការផ្តល់ប្រឹក្សា សេវាសុខភាព សេវាសង្គមកិច្ច សារស្តារនីតិសម្បទា ការធ្វើមាតុភូមិ​និវត្ថន៍ ការធ្វើសមាសរណកម្មទៅក្នុងគ្រួសារ​ ឬសហគមន៍
  • លើកកម្ពស់​សិទ្ធិជនរងគ្រោះក្នុងការចូលរួម​ក្នុងសកម្មភាពនានាដោយ​គ្មាន​ការ​រើស​អើង
  • លើកកម្ពស់​ជីវភាពរស់នៅ ដល់ជនរងគ្រោះ​តាមរយៈការផ្តល់ការបណ្តុះបណ្តាល​ជំនាញ​វិជ្ជាជីវៈ បច្ចេកទេស​កែច្នៃក្នុងមុខរបរ ឥណទាន អប់រំសីលធម៌ និងបំណិនជីវិតជាដើម
  • ផ្តល់កិច្ចការពារ​ផ្លូវច្បាប់ ដោយជួយរក​ និង/ឬ ផ្តល់សេវាផ្នែកច្បាប់ដល់ជនរងគ្រោះ ឆ្លើយតបទៅនឹង​លក្ខ័ខ័ណ្ឌ និងកម្រិត​នៃភាពរងគ្រោះ​របស់​បុគ្គល ឬក្រុមគោលដៅ់
  • ទទួលយកជនរងគ្រោះដោយអំពើជួញដូរ ឬកេងប្រវ័ញ្ច​ដែលធ្វើមាតុភូមិនិវត្តន៍ ដើម្បីទទួលបានការ​ស្តារនីតិសម្បទា សេវានានា និងធ្វើសមាហរណកម្ម
  • តាមដាន និងគ្រប់គ្រងករណី​ជាប្រព័ន្ថ និងចងក្រងប្រព័ន្ធទិន្នន័យ
• ចូលរួមតាមដាន ត្រួតពិនិត្យ​ការអនុវត្ត​សកម្មភាពរបស់ស្ថាប័នទទួលខុសត្រូវ ក្នុងការចងក្រងឯកសារ​មេរៀន បទពិសោធន៍ ជាករណីសិក្សា ដើម្បីធ្វើឲ្យប្រសើរឡើងដល់ការអនុវរត្តសកម្មភាព ការពារជនរងគ្រោះ
• លើក​កម្ពស់គុណភាពសេវាកម្ម​តាមមណ្ឌលថែទាំជនរងគ្រោះ ឲ្យស្របតាមបទដ្ឋាន​អប្បបរមានៃការថែទាំជំនួស
• បង្កើត​លក្ខ័ខ័ណ្ឌ​នៃការ​ផ្តល់​នីតិសម្បទា ដល់មណ្ឌលថែទាំជនរងគ្រោះ ដើម្បីបង្កើតជាមជ្ឈមណ្ឌលគំរូ​ដែលមាន​លក្ខណៈងាយស្រួល និងផ្តល់សេវាជាកញ្ចប់
• ធ្វើរបាយការណ៍ទៀងទាត់អំពីលទ្ធផល​កម្មភាពនៃអនុវត្តការងារ ទៅអគ្គលេខាធិការដ្ឋាន គ.ជ.ប.ជ មិនហួសពីថ្ងៃចុងក្រោយនៃខែនីមួយៗ និងរបាយការណ៍ ត្រីមាស ឆមាស ឆ្នាំ ដើម្បបូកសរុបរបាយការណ៍ជូនគណៈកម្មាធិការជាតិ គ.ជ.ប.ជ
• ប្រជុំក្រុមការងារទៀងទាត់ប្រចាំខែ និងកិច្ចប្រជុំផ្សេងៗទៀត
• ចូលរួមសកម្មភាពដទៃទៀរ តាមការប្រគល់ជូនពី គ.ជ.ប.ជ។