ធ្វើសេនាធិការជូនលេខាធិការដ្ឋានក្នុងការទទួលខុសត្រូវ និងបញ្ជូនបញ្ជាទៅឱ្យការិយាល័យក្រោមឱវាទ

ធ្វើនិត្យានុកូលកម្មលិខិតរដ្ឋបាលគ្រប់ប្រភេទ គ្រប់គ្រងលិខិតស្នាមចេញ-ចូល និងប្រថាប់ត្រាផលិត បោះពុម្ភឯកសាររដ្ឋបាល ដែលពាក់ព័ន្ធការងារអគ្គលេខាធិការដ្ឋាន គ.ជ.ប.ជ

ព្រាងលិខិត ពិនិត្យតាក់តែង កែសម្រួលខ្លឹមសារលិខិតរដ្ឋបាល រៀបចំធ្វើកំណត់បង្ហាញលិខិតអញ្ជើញ ចាត់បញ្ជូន និងបែងចែកលិខិតស្នាមរដ្ឋបាល

ណែនាំការអនុវត្តរបៀបរបប លក្ខការណ៍រដ្ឋបាលដល់អង្គភាព និងមន្រ្តីក្រោមឱវាទ

ទទួលការអនុវត្តឱ្យធ្វើទំនាក់ទំនងសាធារណៈជាមួយភ្ញៀវជាតិ អន្តរជាតិ ក្រសួង ស្ថាប័ន អង្គការដៃគូ និងប្រទេសពាក់ព័ន្ធក្នុងសកម្មភាពសហប្រតិបត្តិការប្រយុទ្ធប្រឆាំងអំពើជួញដូរមនុស្ស

ធ្វើការងារពិធីការ រៀបចំកិច្ចប្រជុំនានា សន្និបាទ សិក្ខាសាលា និងពិធីផ្សេងៗ

រៀបចំប្រតិទិនការងារ និងកាលវិភាគការងារ និងគ្រប់គ្រងចេញលិខិតបញ្ជាបេសកកម្ម

គ្រប់គ្រងមន្រ្តី បុគ្គលិក ច្បាប់ស្តីពីលក្ខន្តិកៈដោយឡែក នៃក្របខ័ណ្ឌនគរបាលជាតិ ច្បាប់ស្តីពីសហលក្ខន្តិកៈដោយឡែករបស់មន្រ្តីរាជការស៊ីវិល ស្របតាមការកំណត់របស់ក្រសួងមហាផ្ទៃ

លើកយោបល់ ស្នើសុំការតែងតាំង ដំឡើងឋានៈ និងឋានន្តរស័ក្តិ រៀបចំបែបបទស្នើសុំគ្រឿងឥស្សរិយយស មេដាយ និងប័ណ្ណសរសើរដល់មន្រ្តី បុគ្គលិក

សហការៀបចំកម្មវិធីបណ្តុះបណ្តាលសម្ថភាព វាយតម្លៃអំពីតម្រូវការបណ្តុះបណ្តាល មន្រ្តីនគរបាលយុត្តិធម៌អំពីច្បាប់ និងលិខិតបទដ្ឋាននានា ពាក់ព័ន្ធការប្រយុទ្ធប្រឆាំងអំពើជួញដូរមនុស្ស

លើកយោបល់ក្នុងការជ្រើសរើស ចាត់បញ្ជូនមន្ត្រី បុគ្គលិក ទៅទស្សនកិច្ចសិក្សា ដកពិសោធន៍ និងធ្វើកម្មសិក្សារយៈពេលវែង មធ្យម ខ្លី ទាំងក្នុងប្រទេស និងក្រៅប្រទេស

ធ្វើរបាយការណ៍បូកសរុបលទ្ធផលការងារ និងទិសដៅបន្តជូនលេខាធិការដ្ឋាន តាមការកំណត់

បំពេញភារកិច្ចផ្សេងៗទៀត ដែលប្រធានលេខាធិការដ្ឋានប្រគល់ឱ្យ។

ការិយាល័យស្រាវជ្រាវព័ត៌មាន ត្រួតពិនិត្យ